الاخوان هيرجعوا مصر للقرون الوسطى ويركبوا جمال ويشيلوا سيوف

[ضياءالصباح]

المشاركة الأصلية كتبت بواسطة علوة حامد

كان فيه نكتة قديمة مفادها ان راجل كان مع ابنه في المستشفى وخرج الدكتور يقول : البقاء لله في ابنك يا حاج .. شوية وخرج الولد يقول أنا عايش يا بابا .. قاله : اسكت يا ولد انت هتعرف أكتر من الدكتور
:
مفيش قرية ولا عزبة في مصر الا وفيها اخوان وكتير منهم فيهم مسيحيين .. وخايفين الاخوان يدبحوهم ويضطهدوهم .. نقولهم انتم عايشين معاهم .. يقولوا : انتوا هتعرفوا أكتر من من الاعلام
:
80 % مننا من قرى وفيها اخوان ومحدش مننا اتعرض عليه زيت أو سكر عشان يروح ينتخب ولا شاف بعينه .. بس عادي .. يعني احنا هنعرف اكتر من الاعلام !! .. أكيد في القرية اللي جنبنا
:
جلسات البرلمان ولجانه النوعية كلها مذاعة على الهواء .. ومع ذلك عادي مصدقين ان فيه قانون تجريم التظاهر و ختان الاناث ومضاجعة الوداع والرقابة على الانترنت .. عادي يعني احنا هنعرف أكتر من الاعلام
:
يبقى نص الفريندز عندك اخوان وعندهم حساب على تويتر .. وبتتكلم عن ان الاخوان هيرجعوا مصر للقرون الوسطى ويركبوا جمال ويشيلوا سيوف .. يعني هو التلفزيون هيكذب يا بيه
:
يبقى أستاذك في الجامعة من الاخوان ونص مكتب الارشاد أساتذة جامعة .. وبتصدق ان الاخوان هيلبسونا جلاليب وهيوقفوا البحث العلمي ويهتموا بالعلم الشرعي .. ما هو الاعلام مش بيكذب
:
يبقى المرشد نفسه بيتغير كل 4 سنين .. والأخوات مش منتقبات وشباب الاخوان لابسين كاجوال ومكتب الارشاد كلهم لابسين بدل وجرافتات .. وبتتكلم عن دولة دينية وفرض النقاب واللحية .. هو يعني هنعرف أكتر من الجرايد
:
كفاية كده بقى

مقال منقول

وإيه الهدف من التركيز على هذه النوعية من الموضوعات دى

وخاصة فى هذه الأوقات التى تحتاج لطمأنة الجميع

يبدو أن البعض يريدها فوضى دائمة ولايريد حتى الاستقرار لرئيسه المنتخب

هديه يمكن ربنا يهديكم وتهبطوا شوية
مرسى للقيادات الإسلامية: مصر تحتاج أن نقف صفاً واحداً لإنقاذ الشعب
http://www1.youm7.com/News.asp?NewsI...ssueID=0:excl: