الاسلام.... الاسلام ..... الاسلام ..... كيف يكون الاسلام ... رسالة للدكتور محمد مرسى

[تغريد الطيور]

المشاركة الأصلية كتبت بواسطة MOHAMED_ASAD

الاسلام فى التعليم

وكيف يكون الاسلام فى التعليم؟؟؟؟؟

بصراحة موضوع فعلا ممتاز و ربنا يبارك ف حضرتك على الموضوع و الفكر العالى دا

اولا انا اوافق على كل ما ذكر فى الموضوع لكن احب اعلق على جزئية التعليم ..

السنة اللى فاتت ف المنتدى هنا ناقشنا موضوع التعليم و اخدت خبرة فيه و اتضح ان مهما حصل التعليم مش هايتصلح ف مصر الا اذا حصل الاتى

1/ ضميــــــــــر المدرسين لازم يرجع ف المدارس و دا طبعا الرئيس مش هايقدر يصلحه بنفسه لازم يتصلح من نفس المدرس .. مش لازم المرتبات تكون هى السبب الرئيسى يعنى مثلا الانسان لما يكون غنى و قدامه فرصة انه يكون اغنى هل يقدر يمنع نفسه ؟؟ لا ( الا من رحم ربى ) .. على سبيل المثال انا السنة اللى فاتت كنت باخد درس كيميا عند مدرس بسم الله ما شاء الله المجموعة فيها 100 طالبة و عنده 6 مجموعات و بياخد 70 ف الشهر " طبعا تحسبونى بحسده " و مكمل و بيشتغل ف مدرسة زى الفل و هكذا ..

و طبعا المرتب امر مهم جدا فعلا اذا زاد اكيد ان شاء الله فى كتير هابطل

2/ تفتكر ايه اللى بيخلى الطلاب ياخدوا دروس خصوصية عموما ؟؟؟؟ فى سببين .. الاول انه مش بيلاقى شرح وافى ف المدرسة ( و دا يرجع للبند الاول ) .. اما التانى فهو ضغط الوالدين لما يلاقوا مثلا ان الثانوية العامة بقى و رعب ف البيوت و الواد مستقبله هايضيع و كدا فلازم ياخد دروس .. تعرفوا لو الانسان فكر بعقل هايقول انه ممكن يتعلم صح ف المدرسة لوحدها عادى

3/ موضوع اخلاق الطلاب دى.. موضوع بعيد لان الانسان من حيث تربيته ف بيته و ماتنساش قول الله تعالى " ان الله لا يغير ما بقوم حتى بغيروا ما بانفسهم " و بصراحة انا مع موضوع التربية الدينية عشان انا بتدايق فعلا ان يكون عندنا امتحان عربى و دين و لا نفتح الدين غير ف الفسحة بتاعت العربى

دا تعليقى ... بس بجد اكرر انه موضوع جميل ..

ربنا يجازى حضرتك كل خير و ينمى هذا الفكر