الى كل طلاب التعليم الفنى خطوات التنسيق بعد النتيجه ان شاء الله

[oOsharkasOo]

السلام عليكم ورحمة الله وبركاته ,
الساده الأفاضل ,,
تحية طيبة .. وبعد ,,,

كما ذكرت بعنوان النص انى عندى سؤال مهم جدا بالنسبة الى ولا اجد من يدلنى غيركم وعليه يحدد مستقبلى انشاء الله .
انا حاليا لسه ظاهره نتيجتى بالدبلوم الفنى التجارى نظام 3 سنوات شعبة شئون قانونيه والحمدلله نجحت بمجموع 530 او 547 من 680 هى الارقام متفاوته مابين النتيجه على موقع الوزاره والمدرسه حيث انى عندما ذهبت للمدرسه للتاكد وهو يوم الامس وجدت ان المجموع اعلى من الظاهر بالموقع الوزارى واعتمدت على نتيجة المدرسه وتوكلت على الله فى ذلك وحسبتها وكانت النتيجه 80% على حسب ما جاء بالمدرسه .
السؤال هو : هل يمكن انى التحق بكلية الهندسه ( هندسة حاسب ) ؟
اذا كان لا يمكن , ما الحلول المتوفرة امامى ؟ معادله ؟ دخول معهد سنتين وبعدين معادله ؟ اعمل ايه ؟ انا تعبت من التدوير بصراحه وحتاج اجابتكم .
علما بأن عمرى فوق 21 وانا فعلا فعلا بتمنى انى التحق بكلة الهندسه لانى كنت فى صنايع قسم الكترونيات وكمبيوتر بس حصل ظروف وربنا ما ارادش انى اكمل ودخلت التجاره وادينى خلصت والحمدلله , فالو هتقترحوا اقتراح زى انى اعيد الثانويه عشان اكمل للهندسه فا دا مستحيل وهيتعارض مع ظروفى وظروف عملى .
وانا عايز الحق اى فرصه دلوقتى لانى حاسس ان التنسيق ممكن يكون اقل من اللى فات فا هتبقى فرصه ويارب يكون فى حل .

سؤال كمان : هلى من الممكن انى اكمل دراستى بالخارج ؟ ما الوسائل ؟ الشروط ؟ ازاى من الاخر اوصل لكده ؟

ارجو الاجابه ضرورى ضرورى ضرورى جدا .

وشكرا لكم ولحسن تعاونكم ,,,