.. لكل المقبلين على الثانوية العامة .. " بلا توتر " لو سمحت ..

[lolo ezzat]

الكلمة كانت بمثابة الثلج اللي نزل
على اللهب المشتعل
عجبنى اوى التصووير ده
تصدقى انتى بنت والله زى العسل
وربنا هيكرمك ويوفقك بأذن الله

[sad nono]

المشاركة الأصلية كتبت بواسطة lolo ezzat

الكلمة كانت بمثابة الثلج اللي نزل
على اللهب المشتعل
عجبنى اوى التصووير ده
تصدقى انتى بنت والله زى العسل
وربنا هيكرمك ويوفقك بأذن الله

ربنا يخليك يا قمر ..
انتي اللي عثل والله
وياااارب يوفقنا كلنا ان شاء الله ويحققلنا كل أحلامنا وآمالناا ...

[soosoo_kotp2000]

على فكره فكرتينى بأول يوم ف الامتحانات

كان عندى رعب مفيش بعده رعب

العربى وما أدراك ما العربى

وعلشان ماما تطمنى قالتلى " انتى بتذاكرى ده كله ليه ... ان شاء الله الامتحان هييجى سهل وتقولى ياريتنى ما ذاكرت المذاكرة دى كلها "

هى كانت بتقوللى كدا رغم انها عارفه انى كنت مقصرة

لكن كانت بتلعب على الجانب النفسى

اللهم اجعل أمى سيدة من سيدات الجنة يارب

........................

موضوعك حلو جدا وحابه أزود عليه حاجات بسيطة " رتوش "

...........................

- ذاكر أول بأول .. وحل كتير جدا جدا جدا بقدر الإمكان

- سيبك من النت والتلفزيون خاااااااااالص والله دول اللى بيضيعوا الوقت

- متعتمدش على اصحابك خااااااالص فى انكوا تروحوا درس عند مدرس معين او تروحوا تمتحنوا او غيره
محدش هيعرف مصلحتك اكتر منك

- القرآن ثم القرآن ثم القرآن

- الدعاء بالهدف

- نيتك مهمة جدا جدا جدا

بجد يا جماعه انا كان ف الاول نفسى ادخل صيدلة وكنت بقول لو هجيب 120% مش هدخل طب لكن ف يوم ف بداية السنة خالتى قعدت تكلمنى عن انى لو دخلت طب هخدم الناس وكدا يعنى

وجهة نظرى اختلفت 180 درجة وبقى الطب قدامى هدف له اسباب وله نية معينة وعارفه انا لو دخلت طب ان شاء الله هدخله ليه وبقيت بدعى ربنا انه يحققلى امنيتى ف الطب اكتر ما كنت بدعيه قبل كدا انه يحققلى امنيه الصيدله ( لأن امنية الصيدله مفيهاش نيه مخلصة وهدف معين )

- زى ما قالت sad nano المدرس يا جماعه مش هيعمل كل حاجه ولا هيعملك حاجه اصلا
الدور الاول والاخير على الطالب

- اوعوا تنسوا حل كتب المدرسة ودليل التقويم مع كتاب خارجى من اول السنة ومتغلطوش غلطتى
انا رحت حجزت كتب الادلة ف المدرسة (وياريتنى ماعملت كدا) ومجوش غير فى شهر 2 وكنا ايامها بنراجع ف كتب المراجعه

انا بفضل انكم تصوروهم من المكتبات من اول السنة وتحللوا كل درس اول بأول من الدليل والكتاب الخارجى

وبجد انا كنت باجى اقول اخر السنة انى عمرى ما هقدر الم المنهج كله على بعضه وكنت حاسه لغاية ليلة الامتحان انى مقصرة وانى كان من الممكن ابذل جهد اكتر من كدا لكن ربنا مكنش بيضيع تعب طول السنه

و سبحان الله كنت بحس اثناء الامتحان ان ربنا بيلهمنى الاجابات بسهولة جدا

و متخااااااااااااافوش خاااااااااااالص

وديما تذكروا قول الله تعالى

"قل لن يصيبنا إلا ما كتب الله لنا"

واللى بيدى للثانويه حجم أكبر من اللازم بيندم على كدا

تانى بقول ابعدوا عن الخوف خالص

وتفاءلوا بالخير تجدوه

- ناموا عدد الساعات الطبيعى 6-8 ساعات
وسيبك من العيال اللى بتنام 2 بالليل وتصحى 5 الصبح دى

عقلك مش هيشتغل بتركيز غير وانت نايم كويس

- استغلوا الوقت الضايع فى المواصلات و الطريق بذكر الله
ألا بذكر الله تطمئن القلوب

وف الاستغفار
من لزم الاستغفار جعل الله له من كل ضيق مخرجا ومن كل هم فرجا ، ورزقه من حيث لا يحتسب

انا شكلى طولت عليكوا

ادعولى بإنى أجيب مجموع حلو وأدخل كلية الطب ان شاء الله