اعيدها ولا لا ؟ واسئلة بخصوص السنة الفراغية فى تانية ؟

[eyes_smile]

اولا الحمد لله انى لقيت حد عارف حاجه عن السنه الفراغ دى

بص انا لا هقولك تعيد ولا لاء


انا هديك حل وسط

انت بتقول انك ضايع خالص ومش عارف تعمل حاجه

نفس اللى انا كنت فيه بالظبط

بس انا شيلت من عليا اصعب ماده بالنسبه لى وهى الكيمياء

وقتها مش كان فى اختيار تانى لانى مش كنت هاعرف امشى فى باقى المواد وكانت هتبقى طاغيه عليهم والاهتمام بيها كان هيبقى اكتر فاجلتها وبدأ مستوايا يرجع زى الاول فى باقى المواد الى حد ما

ملحوظه: الكلام ده كان قبل شهر 5

دلوقتى بالنسبه لك مفيش وقت

وطالما تقدر تستغنى عن سنه خلاص يبقى مش تفكر فى انك هتتاخر سنه والكلام ده

وتاجل المواد اللى محتاجه مذاكره كتير

زى الكيمياء والانجلش مثلا

ويبقى معاك السنه دى عربى و فرنساوى و رياضه ودول مادتين اعتقد انك تقدر تخلصهم فى اليومين اللى جايين دول

هيبقى عندك 3 مواد بس هتقدر تذاكرهم كل يوم

الرياضه كل المطلوب منك انك تحفظ القوانين كويس وتتعرف على افكار المسائل بعد كده تحل مسائل كتير علشان يبقى تدريب وتبقى كده مشكلتها اتحلت

باقى مادتين

العربى ممكن تلحق نفسك فى اليومين اللى جايين دول وتقدر تلم فيهم الماده وانت مش معقول يعنى مش عارف حاجه فيه
اكيد فاهمه حتى هتبقى سهله شويه لما تذاكره تانى

الفرنساوى مطلوب منك الكلمات تحفظها كويس والجرامير تذاكره كويس غير الخطاب والرساله والكلام ده كله

الرياضه خلاص كده خرجت بره اللعبه علشان انت كده كده هتحل اسئله كل يوم

دلوقتى معاك مادتين العربى والفرنساوى هتقدر تذاكرهم كل يوم

وخلى الرياضه دى ريست بين المادتين يعنى مثلا انت هتخلص جزء معين فى العربى بعدها تحل امتحانين رياضه واحد جبر والتانى تفاضل وحساب مثلثات ولو قدرت تزود اوكى وبعد كده تذاكر الفرنساوى

دلوقتى مثلا ممكن تهتم بالعربى اكتر شوي اليومين فممكن يطغى على الفرنساوى فرضا يعنى

عندك اول يوم فى الامتحانات طبعا عربى وده هيوافق يوم 8/6 شوف بقى عندك الفرنساوى لسه يوم 19/6 ممكن تقدر تعمل فيه حاجه لو ذاكرته مره مع العربى وراجعته بعد امتحان العربى

والرياضه عادى طبعا مشكلتها اتحلت يعنى لما تدخل الامتحان هتعرف تحل لانك بتذاكرها كل يوم

بس كده بيتهيالى خلاص اتحلت


اتمنى ان الحل ده يعجبك وتقولى رايك


وربنا يوفقك ويوفقنا كلنا