ظلم وعدم عدالة

[fire king]

هو في ايه في بلدنا اساسا فيه عدالة ؟!
نظام التعليم المتخلف اللي بيرشح الناس الحفيّظة اللي مبيفهموش اي حاجة ف اي حاجة
ولا الامتحانات اللي متبقاش امتحانات من غير الغش
ولا الاسئلة اللي تيجي غلط والوزارة تقول هنعيد التوزيع وميحصلش حاجة
ولا التصحيح اللي بيخرب بيت الطلبة وتلاقي المصحح مش فاهم اي حاجة ولا مضايق فكله يطلع عليك
ولا التنسيق اللي متفهملوش راس من رجلين
ولا الكلية اللي بتكمل فيها مشوار الحفظ والذل للدكاترة
وفي الاخر متلاقيش شغل
وتقولي عدالة ؟!
صحيح
يبقى انت اكيد اكيد في مصر

[على وليد]

والله العظيم دا نظام تعليمى فاشل والله انا اتخنفت من التوقعات دا انا بقول لو لحقت صيدلة يبقى الحمد لله فى ظل هذة التوقعات كل طالب داخل المنتدى بيقول توقعات على حسب مزاجة ومرة يقولك الحد الادنى للطب 99.3 ومرة 99 ومرة 98.8 والنهاردة اليوم السابع بتقول 98.6 والجمهورية 98.5 ومرة تقولك هيتراوح من 98 الى 98.5 انا مش عارف اصدق مين والله يعنى حرام والله واتمنى لو حد عارف توقعات صحيحة وموكدة يكتبها والدال على الخير كفاعلة

[حسن يونس .]

المشاركة الأصلية كتبت بواسطة fire king

هو في ايه في بلدنا اساسا فيه عدالة ؟!
نظام التعليم المتخلف اللي بيرشح الناس الحفيّظة اللي مبيفهموش اي حاجة ف اي حاجة
ولا الامتحانات اللي متبقاش امتحانات من غير الغش
ولا الاسئلة اللي تيجي غلط والوزارة تقول هنعيد التوزيع وميحصلش حاجة
ولا التصحيح اللي بيخرب بيت الطلبة وتلاقي المصحح مش فاهم اي حاجة ولا مضايق فكله يطلع عليك
ولا التنسيق اللي متفهملوش راس من رجلين
ولا الكلية اللي بتكمل فيها مشوار الحفظ والذل للدكاترة
وفي الاخر متلاقيش شغل
وتقولي عدالة ؟!
صحيح
يبقى انت اكيد اكيد في مصر

هذه هى بلادنا فسحقا لها ومن فيها

[على وليد]

كانت توقعات الجمهورية يوم السبت 2 من رمضان 21 يوليو 2012 (يعنى اول يوم تنسيق المرحلة الاولى) بتقول 98.5 للطب البشرى و 98 للاسنان والصيدلة 97.5 الى 97 بالمائة وقد صرح مصدر مسئول بالجنة العليا عن وجود اتجاة لزيادة اعداد المقبولين بكليات الطب من 15 الى 20 فى المائة بكليات القطاع الطبى وارتفاع الحد الادنى بالكليات اللى انا ذاكرها بالاعلى وبالنسبة الى الهندسة تزداد الى 20 الى 25 فى المائة ليصل الحد الادنى الى 94.5 فى المائة ولا تزال المباحثات مستمرة


اما توقعات الجمهورية ليوم الاربعاء الموافق 25 يوليو (اخر يوم التنسيق ) بعد ما كلوا كتب الرغبات عدا الشريحة الاخيرة بتقول صرح مصدر مسئول ان مناقشة اللجنة المشرفة على التنسيق مع عمداء كليات الطب بقطاعاتة انها وصلت الى اتفاق مع كليات القصاع الهندسة بينما جاءت بالفشل مع كليات القطاع الطبى لاضافة اى زيادة جديدة نظرا لضعف الامكانات سواء من ناحية قلة عدد اعضاء هيئة التدريس او المعامل او الاماكن مما قد يضطر الى توزيع اعداد بنسبة اكبر على هذة الكليات رغما عنها تفاديا لحدوث صدام مجتمعى وذلك للارتفاع الجنونى للمجاميع وتوكد الموشرات المبدئية الى ان ينتظر ان يتراوح الحد الادنى لكليات الطب البشرى من 98 الى 98.5 فى المائة والاسنان من 98 الى 97.5 والصيدلة من 97.5 الى 97 فى المائة بينما الحد الادنى لكليات الهندسة 94 فى المائة