نفسى فى وطن نظيف

[مروه]

وطن نظيف ؟؟؟!!!!!!!
هو ده بقى مشروع النهضه إننا نشتغل زبالين !!!
يعنى إحنا ننزل ننضف الشوارع وعمال النظافه ياخدوا فلوس من غير شغل !!!!





للأسف دى بعض التعليقات اللى سمعتها تعليقا على الحمله
من يوم د/ مرسى ما بقى رئيس بلاقى إعتراضات وتعليقات على قراراته
وقلت ده طبيعى لإنه إستحاله يقدر يرضى الجميع

لكن أول ما سمعته بيتكلم عن حملة وطن نظيف فرحت أوى
وقلت إن دى الحاجه الوحيده اللى الناس كلها هتكون راضيه عنها ومتفقه عليها




لكن بصراحه اتصدمت لما سمعت تعليقات البعض
واللى صدمنى أكتر سلوك بعض الأشخاص اللى تعمدت ترمى الزباله تانى
فى المكان اللى لسه متنضف امبارح

فيه ناس كتير عاوزه تنضف الأول قبل ما نبدأ ننضف البلد



شكرا على طرح الموضوع
وبجد ربنا يجزى خير كل واحد نزل وشارك فى الحمله
وكل واحد قرر يبدأ بنفسه وهيبطل يرمى فى الشارع