مواضيعى وصلت .........وسع وسع وسع

[Mo7ammed Elshaf3y]

السلام عليكم ورحمة الله وبركاته
بالنسبة لما تدخل ان شاء الله فى تالته تنسى تماما تانية باللى كان فيها لان تالتة اصعب طبعا
وخاصة انك واخد 3 مواد يعتبروا كل واحدة مستقلة بذاتها ( الاحياء والفيزياء وعلم النفس ) كل واحدة محتاجة شغل من نار
بالنسبة للاحياء فمذاكرتها بتنقسم لــ
اول حاجة كل نقطة فى النظرى مطلوبة منك طالما كانت بين جلدتى الكتاب المدرسى
تانى حاجة التجارب كلها مطلوبة وكلها تجارب سهلة بس محتاجة متابعة وتنسيق منك
اهم حاجة معقدة الطلبة ( الرسم ) كل رسمة فى كتاب الاحياء مطلوبة منك انك ترسمها وتعود نفسك عليها
ماعد الرسم المجسم ( بيجيلك بس الرسمة المجسمة فى الامتحان مرسومة ومطلوب منك يا تقول ايه اللى بيشير اليه السهم او انك تحدد على الرسم اللى ها يطلبه منك ) يعنى كل الرسم مطلوب انك تذاكره مفيش مانع انك لو تقدر ترسمه ....انك تحاول تدرب نفسك عليه
رابع حاجة انك تحاول تحل اسئلة وامتحانات كتير وما شاء الله المنتدى ده عمران بالشرح والاسئلة والمنتديات
حاول تستشير مدرسك فى اللى انت ما انتاش فاهمه
* الامتحان عمره ما ها يجى بره جلدة الكتاب .....ذاكر كل حاجة
ما تحاولش تحفظ حاجة الا اما تفهمها كويس جدا
*علم النفس مش مادة سهلة زى ما انتا فاكر لان سهل -لا قدر الله - تخسر فيها درجات
هى بس محتاجة منك متابعة على طول لانها بتتنسى بسرعة هى والاحياء
********************************************
اتمنى انى اكون زودت املك وطاقتك وما اكونش العكس