كلية صيدلة جامعة الدلتا للعلوم والتكنولوجيا

[al_amira]

المشاركة الأصلية كتبت بواسطة dr.kedaokay

بجد انا مش مصدق ان فيه حد داخل الكلية دي غيري

بصي بقا
الكلية نظامها ساعات معتمدة .. مش نظام الترم
الترم عندنا بقا اسمه سمستر
الساعة المعتمدة = ساعة ف محاضرة أو ساعتين عملي
عندنا تقريبا اول سمستر 8 مواد
أرخم ماده فيهم اسمها "بوتاني" .. و دي حاجة ف علم النبات يعني زي ما اتقالي
اما عن الكوسة .. ف تقريبا على قد ما سمعت فيه شوية كوسة .. علشان الجامعة لسة بادئة بس .. يعني بيقولو احيانا بيستسهلوا و بيشرحوا بالعربي مش بالانجلش .. و دي بالنسبة لأي كلية تانية مهزلة
فوقنا دفعة واحدة بس .. نتايجهم ف الترم الأول زي الزفت .. و لسة بيمتحنو ف الترم التاني .. لأنهم بادئين دراسة اساسا اصلا ف الترم التاني لينا احنا .. كانت لسة الكلية ماتمش اعتمادها
الميزة التحفة ف الكلية بقا اننا تاني دفعة .. و بأقل مجهود ان شاء الله هنجيب تقدير .. و هيتم تعيين كتير من الدفعات الأولانية لأن الكلية محتاجة معيدين
لو مش معاكي عربية ف هتضطري تعملي حاجة من اتنين ..
يا تحجزي ف الباص بتاع الجامعة .. و بيبقا ليه مكان ثابت و انتي تروحيله .. و بيبقا غالي على فكرة
و الحاجة التانية انك تعملي جروب من صاحباتك و كده و تتفقوا مع باص او ميني باص يوديكو و يجيبكو كل يوم .. و بيبقا أرخص كمان
الكافيتريا اللي فيها مش بنفس مستوى السنتر اللي ف جامعة المنصورة طبعا .. بس اهو شغال .. فيه هناك بانادورا و فطيرة .. دي سلسلة فاست فود
و دا جدول السنة اللي فاتت

لو تلاحظي الدراسة 4 ايام بس ف الاسبوع

امممممممممممم

الشرح بالعربي موجود في كل الجامعات مش ف الدلتا بس وبيكون ف الاول
ع عارفين الطلبه بيطلعوا من الثانويه فلة لايفقهوا شيئا ف الانجلش