اخبار الوظائف بالخارج(مسابقة عمان وقطر)والاستفسارات الخاصة بالسفر للخارج

[مستر/ عبدالكريم على]

المشاركة الأصلية كتبت بواسطة ahmedegyman

افيدوني بعد اذنكم

انا دخلت برقم الجواز ومليت كل الخانات وعملت بروز وارفقت الملف

ودوست ارسال قعد يحمل في الاكسبلورر حوالي عشر شرط وبعد ماخلص بيظهرلي الصفحة الي لما بيكون النت فاصل علي الرغم من ان النت شغال وكل حاجه

قفلت الصفحة وحاولت ادخل تاني باكتب رقم الجواز والباسوورد وادوس انتر بيفضي خانة الباسوورد ويسيب خانة الجواز ممتلئة وجانا اساسا دخلت من علي الاكسبلورر

مترفقش الا الصورة ومتعملش شرط ولا فواصل واى خانة قدامها نجمة حمرا لازم تكملها وربنا يوفقك

[باسم أبو فارس]

السلام عليكم اخوانى الكرام
كل عام وانتم بخير
طبعا الاعلان فيه اخوان نزلوه مشكورين من امس وانا حبيت انزل صوره اعلان الجريده مع توضيح بعض النقاط لعل وعسى تكون فيها اجابه لبعض الناس وهي
1- راتب المعلم هناك ينقسم حسب الدرجه التى سيعين عليها وان كان معظم المسافرين بنسبة 90% يتم تعينهم على الدرجه السادسة
- راتب الدرجة السادسة 345 اساسي + 60 بدل غلاء معيشه + 20 بدل مياة وكهرباء = 425 ريال
- راتب الدرجة السابعة 305 اساسي + 60 بدل غلاء معيشه + 20 بدل مياة وكهرباء = 385 ريال
- طبعا ممكن المشرفين ومديره المدارس تكون درجتهم الدرجة الخامسة بس صراحه ما متأكد من راتبهم
2- تقوم الوزارة بتوفير تذاكر طيران ذهاب وعوده للمدرسين او اعطائم بدل بنسبة 75 % ولك حرية الاختيار بين البدل او التذكره
3- تقوم الوزاره بتوفير سكن اعزب مؤثث وغالبا ما يكون السكن غير لائق ولكن مع اعتراضك وتمسكك بحقك يتم توفير السكن اللائق بك ولا توفر سكن للعائله وانما بعد مرور غالبا اكثر من عامين من الممكن ان يوافقوا لك على استقدام العائله على حساب الوزاره وفى هذه الحاله يتم اعطائك بدل سكن حسب المنطقه ويتراوح بين 50 : 100 ريال مع توفير تذاكر طيران للزوجة و3 من الاولاد وصرف بدل تأثيث يقدر ب 750 ريال وفى حاله استقدامك للعائله دون الموافقه لك يتم استقدامهم على حسابك الخاص الى ان يأتى دورك وتصرف ما سبق ذكره
4- بعض الاماكن التى يتم التوزيع عليها تكون قاسيه ولا تناسب الكثير من الناس فمن الناس من يتحمل المعيشه ومنهم من يضجر وسريعا ما يقدم استقالته وده حصل العام الماضى بكثره
5- مسأله الدروس دى نصيب ورزق وعلى حسب المكان بس متحطش امل فيها كبير الا اذا كنت فى مناطق حيويه مثل مسقط - بعض مناطق الباطنة - صلاله وفيه معلمين من اول سنه بيشتغلوا دروس كويس وفيه غيرهم بيغيبوا سنين ولا بيحصلوا 5 ريال من الدروس
6- اهل عمان وطلابها من اكثر الشعوب العربيه احتراما وطيبه وتقديرا للضيوف وبالهم طويل اوى بس ده ميمنعشى ان المعلم يفرض شخصيته على الطلاب والا ممكن القله من الطلاب يسيئوا الى هيبته اذا كان ضعيف الشخصيه
7- متوسط معيشه الفرد الاعزب اكله وشربه واتصالاته فى الشهر ممكن لا تتعدى 60 او 70 ريال ده لو الاخ من المسرفين وومكن لو وسطى فى حدود 40 وطبعا ده لو بياكل لوحده لكن لو مشترك مع بعض الزملاء وهذا ما لا انصح به طبعا التكلفه بتقل
8- متوسط معيشه الاسره طبعا بتعتمد على عدد افراد الاسره بس ممكن متقلش عن 110 ريال
9- الايجارات لمن سيستقدم اسرته على حسابه من اول عام فيه اماكن ب 60 او 70 و 80 وفيه اماكن نائيه ب 40 و 45 وفيه فى مسقط توصل 250
10- ملحوظه يا جماعه العام الماضى نظرا لكثره المسافرين حصل بعض المشاكل مع البعض من تأخر للرواتب وتذمر الكثير من ذلك وفى نفس الوقت الكثير من المعلمين راتبهم كان منتظم مع العلم انه هناك لو حقك ريال سوف يأتيك حتى لو كان نصف ريال مفيش اى شئ بيروح هناك ابدا بس اللى يسافر ويحصل معاه ارجو ان يصبر والا يتذمر ويسئ لنا كمصريين بتصرفاته الحمقاء





وهنا بعض النقاط الهامه فى التقديم
1- اولا اى حد هيدفع فلوس لاى حد دى اشتغاله ولا دخل لاحد فى اختيارات اللجنه فده نصب
2- العام الماضى قام بعض المعلمين بالتقديم اكثر من مره واعتقد انه لم يحدث اى استبعاد والله اعلم
3- من الممكن كتابه اى رقم جواز حتى لو لم تملك بحيث تستطيع التقديم المهم جدا فى البيانات ان تكتب رقم هاتف سليم لانه وسيله الاتصال بك
4- اعتقد انه لن يسمح ابدا بدخول المقابله من يأتى بدون جواز السفر او شهاده المؤهل وممكن الخبره لو فيه افاده على ما تطلع الخبره يعدوها وتحضر المقابله ان تتمكن من توفير الورق اللازم ومش لازم الورق يكون موثق من خارجيه او سفاره عمانيه ولكن ان تم القبول لابد من توثيقهم
5- بعض الناس هتسأل انا خبرتى كذا واللى هيقول انا شغال ابتدائي واللى يقول مش عارف ينفع اقدم ولا لاء ؟ أحب اوضحلكم ان التقديم ببلاش ومش هيكلفك شئ قدم وممكن كمان لو تخصصك مش موجود وعرفت تقدم قدم انته مش خسران شئ يمكن يكون ليك نصيب
6- موقع الوزاره هناك متكامل مع متصفح Internet Explorer فيجب استخدام هذا المتصفح حتى لا تقابلك بعض المشكلات وممكن الموقع ميفتحشى معاك نظرا للضغط الذى سيلاقيه فانته اختار وقت ممكن تحسه هيكون مريح زى ساعه الافطار
7- فى الاعلان طلب ارفاق الشهادات لو لقيت مكان للارفاق خير وبركه ما حصلت يكتفى بالصوره ولو عرفت تبعت من غير صوره مفيش مشكله
__________________

اولاً الامتحان ليس صعب ولكن توجد بعض التمارين التي لا ندرسها في مناهجنا المصرية مثل الاحتمال الشرطي
(1) مجموعة تتكون من 5 آباء وثلاثة أبناء بكم طريقه تجلس المجموعة في خط مستقيم على ان تجلس اآباء متجاورة
(2) القي حجر نرد مرتين متتاليتين فاذا كان مجموع العددين الظاهرين يساوي 7 فاحسب احتمال ان يكون الفرق بينهما 3
(3) اذا كان س = جان + جتان , ص = جذر(جان جتان) فأنها تمثل معادلة (دائرة - قطع مكافيء - قطع ناقص- قطع زائد) الحل سوف يكون زائد وتأكد انت
(4) بسط به جذر(س- 2 ) على مقام به جذر( س+9) عين مجال الدالة الجواب سوف يكون [ 2 ، مالانهاية [ وتأكد انت
(5) معادلة لوغاريتمية الحل سيكون أ ب = 7 مش متذكر التمرين ولكن متذكر الحل المهم التمرين سوف يكون سهل
تذكرته لو أ + ب / على رقم = نصف ( لو أ + لو ب) فإن أ ب = 0000 اختيارات
(6) مقياس 2س+1 > مقياس س+2 أوجد قيمة س التي تحقق المتباينة ممكن تكون المسألة ارقامها مختلفة المهم الفكرة مثل هذا
(7)مثلث قائم الزاوية والوتر يمس قوس ربع الدائرة ورأس القائمة هي مركز الدائرة ويطلب نصف القطر هتستخدم نظرية اقليدس ويطلع نصف القطر 7سم طبعاً ضلعي القائمة معلومة
(8) مثلث قائم الزاوية أ ب جـ قائم الزاوية في ب د تنتمي الى ب جـ بحيث ب د= 3 د جـ وعطيك طول أ ب وطول أ جـ ويطلب طول أ د ارسم الشكل وتخيل الوضع سهلة من اعدادي ومش فاكر الارقام على فكرة رقم (7) , (8) مرسومين في ورقة الاسئلة
(9) دائرتان متحدتا المركز ويوجد وتر طوله 14 سم يمس الدائرة الصغرى ويريد المساحة بين الدائرتين الحل سوف يكون 49 ط وتأكد من الحل
(10) ن ق2 + ن ق3 + نق 4 +ن ق5 000 = 15 - ن أوجد قيمة ن ملحوظة ن ق 2 تمثل التوافيق رياضة2 على فكرة لاتوجد نقط ولكن انا مش متذكر
آخر رقم كان ايه
(11) جذر 2 + 2 +2جذر2 + 0000000000+64 فإن عدد حدود المتسلسلة يكون ايه الحل سيكون 12 وتأكد
(12) رسم دالة تربيعية راس المنحنى (0 , جذر3) فيكون قياس زاوية نقطة الانعطاف هي 000000 الاجابة 30
(13) اذا كان د(س) = ا س7 + ب س5 + جـ س - 5 وكان د(-10) = 15 فإن د(10) = 00000 الحل تقريباً سيكون -25ممكن يكون يوجد اختلاف في المسألة بسيط ولكن انا فاكر الحل طلع -25وتأكد من الحل وهي على هذا الاسلوب
(14) معادلة دالة مثلثية يريد مجموعة الحل ولست متذكرها ولكنها سهلة( جا2أ=م فان حاأ+جتا أ بدلالة م تساوي
(15) مسألة نهاية بها فكرة في التحليل ويريد قيمة جـ وتقريباَ ولست متذكر الحل( انا حليتها بقاعدة لوبيتال) بس بردو مش فاكرها)
(16) ومسألة احتمال شرطي لست متذكره ولكنها رخمة لأني لست متذكر الاحتمال الشرطي( يوجد عشر اماكن لركن السيارات اذا ركنت سيارتين عشوائيا ما هو احتمال ان تركنا متجاورتين... اعتقد الاجابة 2 علي 10 يعني خمس هو عاطي الاختيارات)
17 مسالة نهايات علي متتابعه هندسية اساسها 2 /3 وحده العام 2/3 اس 2ن -1 وطالب مجموعها لما ن تؤوول الي مالانهايه (هو اتب المتتابعه كلها علي شكل نهايات عموما دي حلها مجموع هندسيه الي المالانهايه يعني 1 علي 1- الاساس لان الاساس اصغر من واحد
وباقي المسائل سهلة أكيد سوف تقوم بحلها وكان أوحش حاجة لم أكن مذاكرها هي الاحتمال الشرطي
وعلى فكرة الامتحان 20 سؤال فقط في نصف ساعة بالضبط ويأخذ منك الورق سواء أنتهيت أم لم تنتهي وربنا يوفقك وفي حاجة كمان الامتحان نماذج أ , ب , جـ
لأنني بعد ما خرجت من الامتحان سألت زملاء عرفت ان امتحانهم مختلف ولكن بيدور حول نفس الافكار


منقول للفائدة

[مستر/ عبدالكريم على]

بارك الله فيك

[باسم أبو فارس]

اللي يسجل يسجل برقم جواز صحيح أو رقم البطاقة
لان لو فيه خطأ في رقم الجواز مش بتدخل للجنة

[عاشق القرآن .]

انا عايز استفسر عن شىء

لو انا موصلش عندى رسالة من الوزارة ينفع اروح وخلاص باوراقى هل ممكن يدخلونى ولا اكيد لا عشان عندهم كشوفات باسماء الناس الى بعتوا ليهم رسايل ؟؟


ايه رايكم ؟؟؟؟؟؟؟

[احمدالفيومى]

شكرا لك اخى العزيز وبالتوفيق للجميع

[باسم أبو فارس]

المشاركة الأصلية كتبت بواسطة أستاذ المحمدى

انا عايز استفسر عن شىء

لو انا موصلش عندى رسالة من الوزارة ينفع اروح وخلاص باوراقى هل ممكن يدخلونى ولا اكيد لا عشان عندهم كشوفات باسماء الناس الى بعتوا ليهم رسايل ؟؟


ايه رايكم ؟؟؟؟؟؟؟

معاهم الاستمارة اللي تم تقديمها على الموقع بالأسماء يعني
وبيتأكدوا من الاسم ورقم الجواز او الهاتف

[عاشق القرآن .]

طيب انا ملاحظ حاجة كل الىل قدم يوم الجمعة هما بس اللى وصلتلهم رسايل واللى قدموا السبت مفيش حد وصله حاجة

معنى كده ان الموقوع فتح الجمعة واستكفى بيوم الجمعة ولا ايه ؟؟

[ahmedegyman]

المشاركة الأصلية كتبت بواسطة مستر/ عبدالكريم على

مترفقش الا الصورة ومتعملش شرط ولا فواصل واى خانة قدامها نجمة حمرا لازم تكملها وربنا يوفقك

الشكلة يا مستر عبد الكريم انه مش راضي يدخلني تاني ومش عارف كده الي انا بعته وصل ولا لا

ياريت حد يفيدني ويطمني ولو في حد بيفتح معاه تاني يقولي

[الوهج الفضى]

انا قدمت امبارح العشاء الأحد ووصلتنى رسالة الساعة 3 ص الموافق 6/8/2012 الاثنين

[MUSTAFAEGYPT]

الاخ باسم ابو فارس
كنت عايز استفسر منك على حاجة
اولا انا قدمت من خلال النت
وجالى رسالة على الموبايل وانت عارف التقديم خلال يومين يعنى المفروض اكون هناك اليوم الاثنين
ولان اوراقى مش كاملة فمش هعرف اروح غير الخميس فهل ينفع ولا اللى ميرحش خلال يومين معتش ينفع يروح

[ALQODS]

هذه الرسالة تظهر لى قم بتعبئة جدول الموهلات و جدول الخبرات العملية على الأقل السطر الأول

[مستر عاطف ابوبكر]

الرجاء ارسال اسئلة المقابلة التربوية

[moonmony82]

لو سمحتوا هو العنوان لجنة الاعارات والتعاقدات لسلطنة عمان 15 شارع رشدان الدقى / ميدان المساحة هو ده صح ولا انه اللى صح ده العنوان اللى مكتوب فى الرسالة اللى اتبعتتلى حد يقولى انا مسافره بكره ان شاء الله وهروح لوحدى فعشان خاطر ربنا حد يدلنى

[asdasd140]

هل يوجد تحليل فيرس لعمان وشكرا