ياترى ألاقى اجابه عندكم؟

[comboy]

السلام عليكم ورحمة الله

اخباركم جميعا ومبروك لكل اللى دخل علوم

انا ان شاء الله علوم وهحول المنصورة وكنت محتاجه اجابه على شويه استفسارات كدا

انا قرأت مواضيع هنا عن الكليه ودراستها لكن عندى كم سؤال

بالنسبه للكليه اول سنه دراسه تؤلهلنا للتخصص ومتوقف التخصص على مواد الثانوية ودرجاتها ده يعنى ايه؟

انا اجباتى هتكون على اساس جامعة الاسكندرية معرفش بجد نفس النظام ولالا

اول سنة بتتخصصى سواء علوم طبيعية او جيولوجية او بيولوجية

درجات الثانوى العام مش بيكون ليها دور بعد التنسيق والتقديم والتقيد بالكلية انما التخصص عندنا بيبقى متوقف على التقدير اللى هتجبيه فى سنة اولى يعنى مواد سنة اولى بيحصل تنسيق داخلى فالكلية وبعدين على اساسه بيتم توزيع الاقسام

ومعنى كدا انى فى أول سنه هاخد كل الأقسام كيمياء وبيولوجى وجولوجيا ولا ايه ؟

فى اولى هتختارى الشعبة بسس يعنى طبيعية او بيولوجى او ولوجيا
فى سنة تانية بتختارى التخصص الرئيسى وهو ممكن يكون الكمياء بين اختيارات كتير جدا

كمان أنا أعرف واحده ازهر خريجه علوم وحاليا بتشتغل فى الطب الشرعى هو ينفع خريج علوم يبقى دكتور فى الطب الشرعى ؟

ولو ينفع هل ده قسم فى الأزهر بس ولا موجود فى تربيه وتعليم ؟ ولو موجود ايه هو القسم ده ونقدر ندخله ازاى وهل فى منه فى علوم المنصورة ؟
معنديش فكرة بصراحة فالموضوع ده بس مادام خريجة علوم يبقى ممكن تفع
كمان انا قرات عن التخصص المزدوج ده

يعنى انا أخد كيمياء وبيولوجى ولا تخصص مزدو كيمياء حيوى ونبات مثلا ؟
بعدمابتتخرجى بيبقى ليكى انك تشتغلى فى 3 حاجات تبعا للشعبة والتخصص الرئيسى والتخصص الفرعى يعنى مثلا طالب علوم شعبة جيولوجيا واتخصص تخصص رئيسى جيولوجيا وبعدين جيوفيزياء يبقى هنا ليه اكتر من مجال يقدر يتخصص فيهم
وينفع أخد كيمياء وبيولوجى؟

الكمياء تخصص مشششششش شعبة يعنى الكمياء فرع من فروع البيولوجى

ولو ينفع هل هدرس كل أقسام كمياء وكل أقسام بيولوجى ولا اللى هختاره منهم ؟
لو شعبة بيولوجى واخترتى كمياء تخصص رئيسى هتكملى وهتدرسى مواد من بيولوجى وكمياء وحاجات تانية بردوو والمواد انتى اللى بخاريها

وازاى بختار القسم وامتى بحدده ؟
بتختارى الشعبة فى اوولى والتخصص الرئيسى فى تانية على حسب تقديرك فى اولى

ولو أخدت المزدوج ده لما بتخرج شتغل باى واحد ولا الاتنين عادى ؟

انتى كدة كدة بيبقى ليكى تخصصين رئيسى وفرعى تقدر تشتغلى بيهم

ولو عندى طموح اكتر من دراسه يعنى أخد دبلومه وأعمل بحث او اى حاجه دراسه تانيه ماجستير ودكتوراه ده ممكن عندنا هنا فى المنصورة ظ

اكيد طبعا ده فى اى كلية بس طبعا تقديرات وممكن وسايط قدام
وياترى ايه اللى بحتاجه فى الكليه فى أدوات ومعمل وكدا ولا ايه؟

على حسب شعبتك ايه يعنى لو بيولوجى ادوات تشريح اكيد لو جيولوجى يبقى مفيش ادوات
وطبعا البالطوووو

أنا عارفه ان أسئلتى كتير جدا بس انا بصراحه محتاره ومحتاجه حد يساعدنى منكم

ويريت لو حد هنا يقدر يرد عليا سواء من المنصورة او لا اكون شاكره له

وجزاكم الله خيرا

فى انتظار ردودكم

[comboy]