من الثانوية للكلية

[Hager Adel]

المشاركة الأصلية كتبت بواسطة Engineer ..

بسم الله الرحمن الرحيم ،،،
أحبتي وأخواتي
إليكم نصيحة بسيطة لعل الله يتقبلها
بصوا يا جماعة الكلية سهلة وصعبة في نفس الوقت
الكلية سهلة مش صعبة
لا الكلية صعبة
لا سهلة
لا صعبة
متوشناش وخللللللص مش ناقصين توتر
طيب هي سهلة وصعبة برده
إزاااااااااااي
هقولك ،،،
الكليــــــــــــــــــــــــــــــــــــــــــة أي كلية كانت ،،،
سهلة للي بيذاكر محاضراته
سهلة للي بيطنش البنات لو كان ولد أو بتطنش الولاد لو كانت بنت
سهلة للي داخلها بنية بناء مستقبله وبنية طلب العلم " وقل رب زدني علما"
سهلة للي شايف إنه طموح وممكن يحقق حلمه
سهلة للي عايز يكون حاجه في البلد
سهلة للي بيطنش كلام المحبطين واليائسين أو الآيسين ..
سهلة للي بيطيع والديه وبياخدهم على راحتهم وبيحط راسه تحت رجليهم
سهلة للي نيته صافية مع الناس
سهلة للي بيسمع كلام الدكتور وبينفذ أوامره حتى وإن كانت صعبه بس كله بيبقى في مصلحتك
سهلة للي بيراجع بإستمرار على دروسه وبيبيض محاضراته أول بأول
سهلة للي بيسجل كل حاجه قالها الدكتور
سهلة للي مش بيحب الفزلكه وبيحب يكون بسيط في أموره وبيرضى بحكم الله دايماً ...
سهلة للمؤدب وصاحب الخلق الحسن ..

الكلية صعبة جداً جداً جداً جداً جداً
صعبة للي بيضيع حق ربنا سبحانه وتعالى لأن ما عند الله لا ينال الا بطاعته ... والنجاح شئ بإرادتة الله ...
صعبة للي بيطنش محاضراته وبيروح الكلية متأخر
صعبة للي وظيفته مصاحبة البنات والعكس للبنات
صعبة للي بيعشق حاجه اسمها كافيتريا الجامعة
صعبة للي بيوقع بين زمايله وبيشتت أفكارهم
صعبة للي مبيذاكرش محاضراته
صعبة للي بيصرف فلوس كتير ع الفاضي بدون نفع وبيدفع والده دم قلبه
صعبة للي داخلها كده ومش حاطط له هدف ... والهدف ممكن ييجي ف بالك وانت ف الكلية عادي لو معندكش هدف حاول تفكر في هدف كويس وجدده بإستمرار
الكلية فعلاً صعبة للي بيشتكي دايماً ومش بيبتدي خطوة بنفسه أبداً

فيه مقولة بتقول : حاول أن تجد لنفسك مكان في القمة .. فالقاع مزدحم
وأخرى تقول : هناك أناس في القمة وهناك أخرون لم يجتازوا شبراً في القاع

على حسب ما ترضى ... يا القاع يا القمة
وذهب زمن الوسط

يا جماعة إنتم اللي بتخلوا الكلية سهلة أوي أو صعبة أوي
فالأمر في إيدك بعد الله .... ولا تنس أن الله قال " وقل إعملوا فسيرى الله عملكم ورسوله والمؤمنون ثم تردون إلى عالم الغيب والشهادة فينبئكم بما كنتم تعملوان "

الأية هنا 3 أقسام
القسم الأول : الأمر بالعمل والعمل مبني على العلم ... فلابد أن تعلم كي تعمل .. وهذان فرضان من الله تعالى ..
القسم التاني : الله مطلع على عملك ويعرض العمل على رسوله صلّ الله عليه وسلم ويشهد عليه المؤمنون في بقاع الأرض ... فأتقن عملك كي يفرح به ربك ..
القسم الثالث : لا شك أن الله سيسألك عن عملك الذي عملته في الدنيا ... وإن نفيت فسينبؤك الله تعالى بما عملت حتى لا تكون هناك حجة لك...
فإعمل فالله مطلع وبصيرُ ... إعمل فغدا سيصبح ما عملت مصير ُُ

والله كلام حضرتك طمنى جدا وحسسنى ان فى أمل
ان شاء الله هتكون سهله .. شكرا لكلامك ونصائحك
جزاك الله خيرا