ايه تعليق الناس عليك؟

[*تائبة فى رحاب الله*]

وعليكم السلام ورحمة الله
طبعا اى شخص فينا بيتوجه له انتقادات و مديح فى نفس الوقت
اما ان تؤثر بشكل سلبى او ايجابى
انا مش تفرق معى الا كان حد انتقدنى انى ماثرة فى دينى او حاجة فبتاثر بشطل ايجابى
راى الناس فى (قريبهم وبعيدهم)
انى معقدة ..غريبة ..غامضة ....مرحة (مش عارفة ظبطوها كدة ازاى؟؟!!)
اهــــلــــى::غريبة , لانى مش بحب الاجتماعيات اوى ولا بحب الخروج او الاحتكاك بناس كتير
او شغل الزيارات ده ..بفضل انى اعقد فى البيت طالما ن فى وسائل افادة مشبتفرق
معايا هم عملوا ايه راحوا فين ..فى كتاب ..تلفزيون..انترنت ..وسائل تعليمية
خلاص ده اللى عاوزاه.......انما غير كدة بيشجعونى والحمد لله
زميلاتـــــــى:the problem
رايهم انى معقدة واللى بيقولوا على معقدة هم نفسهم اللى بيقولوا على مرحة..!!!!!
معقدة لانى مش بحب اروح الافراح والمهرجانات اللى فى حاجات اساسا بتتنافى مع دينى
ولو فكرت انى اروح فرح بروح زى مبيقولوا فرح دينى (مع انه هو ده المفروض)
ومبلاقيش ولا واحدة هناك يمكن هم الاتنين اللى مبيشوفوش انى معقدة
وكمان عشان اللبس مش عارفة اللى تقول البتاع ده لازم تقصريه شوية او تدوقيه شوية ايه الخنقة اللى انتى لابساها دى!! .......مع انى المفروض انا اللى وجهلهم الانتقادات بس بتقبلها
وكمان لانهم لما بييجوا يحكوا ع مسلسلات او حكاوى بقلب الكلام خالص واحوله لموضوع تانى
انما بقى مرحة دى فالحمد لله مع كل ده والانتقادات عندى صديقت كتير جدا وبيحبوا يقعدوا معايا ........
المدرسيـــــن:: شخصية غامضة
لان عمرى مالتزمت بمنهج فى اى مادة ......يعنى مثلا جملة فى اى كتاب او معلومة فى المنهج لازم افضل ادور اصلها ايه جت منين ويمكن اسيب المذاكرة كلها واقعد افكر فى حاجة ناس شايفاها انها تافهة او ملهاش لزمة......فبكدة بتعب المدرسين
وانا كمان بتعب وبتلغبط لان لحد دلقوتى اكتشفت ان نص المناهج اللى كاناو بيدرسهولنا معلوماتها غلط .....فمش عارفة مين الصح بس قربت 80% الكتاب المدرسى هو الغلط
فهم يمكن بيقولوا عشان كدة
والحمد لله رب العالمين متفوقة دراسياً وعندى طموحات كتيرة وكبيرة جدا يمكن محدش يتصورها لانها ملغبطة عاوزة اطلع حاجات كتير كدة مش عاوزة ادخل كلية واحدة عاوزة 3 كليات
غير تحصيل الباقى من برة ....لان حكاية التخصص دى مش بحبذها اوى
لازم الواحد يعرف حاجات عن كل شىء مش يكون دكتور وجاهل مثلا فى الهندسة يمكن حد يبنيله بيت وهو غلط ومش عارف اى اساسيات او مهندس ولا يفقه شىء فى الطب او الجغرافيا وا ميرفش حاجة عن التاريخ .......لما بتكلم كدة مع اى حد
الكلمة الوحيدة اللى بينطقها يااما انتى هبلة...روحى شوفيلك مكان اقعدى فيه
عدا مدرس الكيميا اللى دايما بيشجعنـــى او هو بالاحرى اللى خلانى كدة
-----------------
الصراحة مش شايفة انتقاد لى صحيح الا ممكن انتقاد اهلى لى بس بحاول اقلل او اغير
وبضغط ع نفسى عشان ارضيهم
انا تعاملت مع ناس كتير هنا وشخصيتى فى اى مكان ثابتة فلو حد شايف
اى انتقاد تانى ياريت يقوله...؟!!
-----
جزاكم الله خيرً ع الموضوع المهم