مطلوبات الزواج

[Mechanical Flower]

والله دي وجهة نظري أنا وبحترم كل الآراء التانيه طبعاً
بس هتكلم عن نفسي أنا كبنت اذا جه واتقدملي واحد
عمري ما هعطل الموضوع طبعاً عشان شبكة وكلام فاضي من ده
يعني في الآخر دي هدية .. مش أكتر من هدية !!
وبعدين يعني اذا كان العريس ده محترم وأخلاقه كويسه وهيحافظ عليا
ويقدرني ويحترمني
انا مش عايزه حاجه تانيه .. يعني أولى بالفلوس الكتير اللى هتندفع في الشبكة دي
يعمل بيها حاجه في البيت وحتى لو مخلص البيت وكله تمام
يعمل بيها شغل خاص بيه او يكبر شغله .. أكيد في مليون حاجه أهم من انها تندفع في دهب مش بيتلبس كتير
( انا اصلا مش بحب الدهب وحتى لو بحبه بردو هي دي وجهة نظري )
وغير كده مفروض ميندفعش فيها كتير يعني لاقدر الله لو اتسرقت او وقعت مش تبئا ضاعت فلوس كتير !!
خاصة اننا في حالة اقتصادية زفت والبلد واقفه مش بتمشي ويارب تتغير الحاله دي
حرااام يعني الإعتدال لازم في كل حاجه

وربنا يهدي الناس اللى بتطلب حاجات غريبه من العريس ده !!
ويارب موضوع الشبكة ده تتغير النظره ليه في بلدنا