الأسئله السبعه ..

[Yes We Can]

المشاركة الأصلية كتبت بواسطة خالد احمد زكريا

السلام عليكم

هذا التوبيك لعرض سبعه أسئله غالبا ما أشعر بحيره عندما أفكر فى جوابهم

1_شايف مصر الآن أفضل أم أسوأ من أيام عهد الرئيس السابق
بص يا بشمهندس مصر دلوقتى او زمان هى هى مصر شعبها ممكن يتغير لكن الطبع و الاخلاق موجوده
هتقولى فيه ناس وحشه لكن قليلين و من كتر كلامنا عليهم بانوا انهم كتار و رائى ان مصر ليها مميزات دلوقتى و ليها عيوب ايضا و زمان باردو كان فيه عيوب و فيه مميزات احنا بدل مانقعد نقول ايه رايك
نقوم نعمل اى حاجه نشتغل ننشر علم ننشر خبره بدل مانتكلم قدامنا وقت ننهض بالبلد البلاد الاوروبيه
بتنهض لانها قافله على نفسها محدش بيدخل فى مصالحها رغم ان شعبها اصغر من شعبنا
و مش بيحب بلده زينا لكن احنا بنقعد نتكلم كتير لكن مفيش فعل ياريت نعمل حاجه بدل ماحنا بنتكلم
امممممممم شكلى اندمجت اوى مش مهم نخش ع الاسئله الجايه
2_ لو كان العيب فينا ، يبقى العيب أصلا فى إللى علمنا .. صح أم خطأ ؟؟

مين العلمنا احنا طول عمرنا بنتعلم لحد مانموت بتتعلم من والديك من مدرستك من الشارع من وسائل الاعلام المرئيه او المسموعه و من قرايبك صحابك هل كل ده غلط لا طبعا احنا لو شاطرين ناخد الحلو بس
و ننفض للوحش و نتعلم صح لان التعليم اساسه البنادم نفسه و البيئه المحيطه بيه فاكيد مش هنحاسب
كل واحد علمنا احنا نتعلم من الناس و كمان نعلم نفسينا

3_ شئ تفعله وتندم عليه فى الحال .. ما هو ؟؟
امممممم هما كتار لكن منهم العصبيه او اجرح شخص بحس بتانيب الضمير اووووووووى

4_ المصرى بطبعه ( طيب ، خوان ، عامل مفتح ، ) .. إختار واحده بس

طيـــــب

5_ كلمه الحب _ من الشاب للبنت أو من البنت للشاب _ فى سن ال 18 .. أكد مدى صدقها أو إنفى مصدقيتها

بص هقولك حاجه فى نظر الولد او البنت بيحس انها حقيقيه لانه لسه عامل زى الطفل لما جاتله لعبه
و لعب بيها و فرحان بيها جديده عليه فجاه تحولت اللعبه لفتره المراهقه و حس انه راجل كبير
فده من منظور الشاب او الشابه حقيقى لكن فى الحقيقه مش حقيقى ده مجرد اعجاب او مظهر

6_ المسلسلات والأفلام والأغانى .. ماحكمك عليها ؟

ساعات ممكن تعلمك حاجه مفيده و ساعات كتير تبوظلك اخلاقك و دينك و تاخد الوقت

7_ كلمه " معلش " .. ترى أنها تحل المشاكل أم تزيدها ؟؟

عـلى حسب الموقف لو موقف خلص بسرعه ممكن تخلص الموضوع انما لو طول هتقول هو بعد ده كله
بيقولى معلش اكيد بتحصل لكن على حسب الموقف نفسه
من يجد منكم القدره على الجواب فلا يبخل

موضوع رائع يا خالد
و اتمنى مكونتش طولت فى الكلام
استنى حتى لو طولت انا حر حد شريكـى