خريج حاسبات .. مستشار الرئيس مرسى

[ccna.and.mcse]

المشاركة الأصلية كتبت بواسطة اسلام اسو

مش لازم تاريخ الكلية انما الكلية بتعمل ايه هو الاهم مش كده وبعدين هندسة فيها اقسام جميلة محدش فى حاسبات يعرف يعملها كفاية مهندس الطيران اللى يعتبر بيصنع الطيارة وبرده فيه هندسة حاسبات بتاعة الهاردوير وتصنيع الكمبيوتر وهندسة اتصالات اللى يعتبر من اقسام الجميلة وبالنسبة للكليات الاخرى من خير صيدلة مفيش تطوير ادوية وبرده فيه اكتشافات ادوية وبرده كلية علوم اللى بتخرج علماء بيطوروا حاجات جديدة مش قديمة وتراب وبقالها كتير مال تاريخها بالتقدم اعقلوها وعلوم على فكرة فيها قسم علوم الحاسب اللى هو قسم عندكم وعلوم فيها قسم الفيزيا بتاعة تطوير الاسلحة النووية وبعدين تقدر تقولى مثلا مين اللى هيطور اسلحتنا والجيش بتاعنا الا خريجى علوم وبرده حاسبات كلية جميلة بس مش احسن كلية برده عشان كل كلية ليها اهتماماتها ومجالتها وبعدين اعرف تاريخ كل كلية وبعدين اتكلم مش كان زماننا معرفناش اى حاجة عن الجاذبية والاختراعات وبعدين مين اللى اخترع الكمبيوتر عشان اعرف بس واحد خريج حاسبات ولا ايه

ياسيدى انا ممكن أرد عليك .. بس انا راجل شايف كدا ان دى أعظم كلية فى التاريخ .. أنا حر و لو انت شايف كليتك كدا انت حر . بس هى أعظم كلية فى التاريخ لان بدون المجالات الأخرى الطب مش بينضبط بدون الحاسبات و المعلومات و الطيارة اللى بيصنعها مهندس الطيران مبتمشيش من غير حاسبات و معلومات ولا هتطير و الكمبيوتر هو حتة حديدة بدون حاسبات ومعلومات و برمجيات و أنظمة شبكات و انترنت و الصيدلى مش هيقدر يشتغل صح الصح بدون حاسبات و معلومات و كمان مفيش مفاعل نووى بدون حاسبات و معلومات ..

ملحوظة أخيرة حاسبات مش بتدرس برمجة لان لغات البرمجة دى أدوات بنصنعها و بنستخدمها فى عمل تطبيقات زيها زى مثلا المفك كدا فدى لغة برمجة تول (Tool) و لكنها مش علم و طبيعة دراستنا كمان اننا نصنعها مش نستخدمها فى عمل التطبيقات لكن مصر عامة مفهاش صناعة لا صناعة أدواية ولا صناعات هندسية يعنى لا بنصنع طيارة ولا سيارة ولا طلمبات ولا برمجيات فخلاص كلة بقى فى الشغل بيستخدم المتاح من التكنولوجيا الأجنبية لكن حاسبات عليها دور كبير جداً هيظهر قريب خاصة فى المشروعات الكبيرة فى الحالة دى لازم نصنع برمجيات و تكنولوجيا معلومات مش استخدام للتكنولوجيا الاجنبية فمشروع زى المفاعل النووى لو استخدمنا التكنولوجيا الأجنبية فى البرمجيات و تكنولوجيا المعلومات فأمريكا هتضيعنا فى ثوانى و نفس الحال لو جينا نطور جيشنا لجيش معلوماتى لان الحروب القادمة كلها معلوماتية فبرضو حاسبات هى اللى هتطورة .. الكلية دى عليها عبء كبيرة جدا فى المستقبل .. الله معنا ان شاء الله

بس عامة انا راجل ليا نظرة و انا حر و مش بفرضها عليك .. تحياتى