مرسى وصناعة الطاغية

[حـيرم]

الدكتور محمد مرسى على العين وعلى الراس لما ينفذ متطلبات الثورة المصريه ويقيم العدل
زمن الخطابات الرنانه انتهى . ومش هياكل مع الشعب المصرى تانى . ال خدناه من عبد الناصر وخطاباته الرنانه والبطوليه وفى الاخر لقينا نفسنا مرتزقه وخرب البلد وخلق للصهيونيه مكان على اراضينا وحرر البلد من ملك وسلمها لميت الف ملك وخربها واقعد على تلها
وكون ان مرسى يعترف بالثورة السوريه . ده شىء جميل . بس الاجمل منه انه يعترف بالثورة المصريه ويخرج الثوار المصريين من سجون العسكر . اكتر من 12. 13 . الف مصرى بسجون العسكر
ولا ثورة سوريا عليها سكر وثورة مصر عليها عسكر
وبعدين كل ما يقول كلمتين ونعد نقول فيهم الشعر والكلام ده . كده هنعمله كعبه وهنعد نطوف حواليه بالشكل ده .
ونخلص من الموقف ده وننتظر الخطاب القادم ونعمل نفس ال عملناه تانى وهكذا
الصح بقى انه يهتم بالشأن الداخلى بشكل ملموس للشعب نفسه .
حد يقولى احمد شومان ورفاقه فى السجن ليه لغايه دلوقتى
ولا محتاجين فوضى ومظاهرات عشان نطلع الناس ال هما اصلا السبب فى وجود الاخوان على كرسى العرش
ولا الدولارات تبيح المحظورات