اليس لك ان تفخر ان رئيسك هو مرسي وانك مصري

[حـيرم]

ال بيفتخروا دول بيفتخروا على ايه
الراجل لسه مكملشى كام شهر . امال لو بقاله كام سنه بقى هتنتهى الحكايه بانه بطل الضربه الجويه
هو ايه ال عمله بس يعنى عشان نفتخر . واذا عمل فعلا هو مش ده عمله ال الشعب كلفه بيه . امال احنا مختارينه ليه مش عشان يشتغل فى البلد وينضفها
فين بقى التنضيف
فين العداله الاجتماعيه فين الجاز والبنزين والميه والكهرباء
فين خيبر خيبر يايهود جيش محمد سوف يعود . هأو
وبعدين فوكك من الهجص ده واحنا هنحافظ على المواثيق والمعاهدات الدوليه
بتعترف بثورة سوريا وبنقف جنبها وثوار مصر فى السجون مرمين زى الكلاب
البطاله زى ماهى . العماله المؤقته زى ماهى من غير تثبيت
الغاز بيتصدر للاسرائيل زى ماهو وبنفس الاسعار
فين مؤسسات الدوله .
فين مجلسى الشعب والشورى ال بيمثلوا الشعب
فين الدستور للبلاد بتعتنا وبعدين ندور على البلاد التانيه
فين الحد الاقصى للاجور والحد الادنى
فين الاسلام هو الحل . ولا اصبح القرض والربا هو الحل
فين محاكمه القتله والمجرمين من المجلس العسكرى
فين فلوسنا ال بالبلايين المتهربه وهى الان موجوده تحت اديه فى طره
يعمل ده ياعمنا واحنا نفتخر بيه ونشيله فوق رسنا كمان
لكن نسمع كلمتين من بتوع المنابر ونعمله مولد وناقص بس نطوف حواليه
ونظل نفتخر بكلام لاهيودى ولا هيجيب ونكفر الخلق واسطوانات عكاشه وسويرس والفلول
دى بقى ال اسمها السنه السوده ال مش معديه السنادى