أتجوز أجنبيه وخليها تسلم احسن ما تتجوز مصريه وتخليك تكفر

[M..osama]

المشاركة الأصلية كتبت بواسطة حـيرم

مقوله بتتناولها الشباب المصرى على الفيس بوك
اتجوز أجنبيه وخليها تسلم أحسن ما تتجوز مصريه وتخليك تكفر
ـــــــــــــــــــــــــــــــــــــــــ
لما توصل للشباب بالشكل ده . بيعنى اننا قدام كارثه حقيقيه والاغرب انها بدون معالجه بل وبتذداد بشكل مرعب يوميا ونسب الطلاق وصلت للسماوات بين حتى المتجوزين حديثا
يعنى بتشيل الشوال بعد شهر العسل وبتفشل فشل زريع وبتترمى جمب امها .
تفشت قوى الحكايات دى بشكل مثير للدهشه الحقيقه
ياترى ايه الاسباب والدوافع
____________________

الطبيعى ان واحد يرد يقول ان سببه سقوط الوازع الدينى . ده كلام عبيط وكده بيسوق الهبل فى الجبل وخلاص . لان الاجانب الكفرة جوازاتهم ناجحه بشكل رائع جدا . وحتى جوازات المصريين انفسهم من اجنبيات أثبت نجاحه بشكل مبهر جدا . والسؤال هنا
ليه الاجنبيه بتحافظ على بيتها واولادها وبتهتم بيهم بشكل جميل قوى وبطلعهم فى اجمل الصور وانقاها ؟
عكس المصريه تماما . ممكن ترميلك العيال وتمشى والناس تصفق ليها . وكل شويه تترك البيت وتمشى واهلها يفتحولها المجال لده . ونجيب رجاله ونصلح ونرجع لنقطه الصفر وهكذا
ممكن يكون السبب لفرعنه المصريه هى قوانين الهانم ؟
بالطبع احنا قدام فرعنه مصريات ليس لها مثيل فى العالم باثره واعتقد انها وصلت للكل دلوقتى وكتير من الناس هجرت فكرة او تراجعت عن انها تتزوج مصريه وبالفعل اتجوزوا اجانب وناجحين جدا وعايشه معاه على الحلوة والمرة ومبسوطه وعشرين قراط كمان
وعشان نحل المشكله دى من الاخر يعنى يبقى الاتجاه للسفارات هو البديل وهو الحل
هتلاقى الصينيه بباكوا . تدفع الباكو وتشيل ياريس . ولو دفعت باكو ونص ممكن تاخد اتنين وعليهم كمان واحده هديه او عليهم خلاط او مكوة بخاريه
ناس عاوزة تعيش بجد . مش ناس عاوزة تندب ومدربه على الندب بصور واشكال
اضرب غطس على السفارة الصوماليه هتجيب منها ما لذ وطاب وفوكك ونفض يعنى
نصيحه لوجه الله للشباب من اخوكو حـيرم لان الامل معدوم والحلول نفذت معاهم
اتجوز اجنبيه وخليها تسلم أفضل ما تتجوز مصريه تخليك تكفر

إيه رأيك نبدأ بيك إتجوز أنته واحده أجنبية وقول تجربتك...

ولا أقولك شوف حد من الكفرة شكلك معجب بيهم

((( لان الاجانب الكفرة جوازاتهم ناجحه بشكل رائع جدا .))) دا كلامك



.

.