متابعة اخبار اضراب المعلمين (شارك بالخبر)

[Dr.mahmoud ragab]

لو سمحتم فبل ما تزودوا المعلمين فلوس خلوهم فى فى الاول يتقوا الله ويبطلو دروس خصوصية الى نهبت اولياء الامور وانا والله كنت بروح المدرسة مخصوص واسال الاستاذ يقولى مش فاكر اصلى عدى عليا وقت كتير مشرحتوش عشان كده عمر الفلوس ماتخلى المدرسين يبقوا كويسين الا ولو اتقوا الله فى شغلهم واشتتغلوا بما يرضى الله

[tarek888]

يا عم كنج دومو انت خليك في حالك
وبعدين هو انت بقيت دكتور ازاااااااي اتق الله فيما تقول
وبعدين ماانت أخدت كادر الطبيب عشان كدة زعلان قوي .... فهمت اااااه .
اتق الله في شغلك واقفل عيادتك لو ليك عيادة أصلا يا عم دومو

[aly almasry]

المشاركة الأصلية كتبت بواسطة tarek888

يا عم كنج دومو انت خليك في حالك
وبعدين هو انت بقيت دكتور ازاااااااي اتق الله فيما تقول
وبعدين ماانت أخدت كادر الطبيب عشان كدة زعلان قوي .... فهمت اااااه .
اتق الله في شغلك واقفل عيادتك لو ليك عيادة أصلا يا عم دومو

معذرة وبدون زعل بقى دكتور بفلوسه الذى اخذ بها دروس خصوصية ولم يذهب قط الى المدرسة كما يفعل ملايين الطلبة .............. هنزعل اكيد بس الحقن بتؤلم احيانا كثيرة لكنها للعلاج

[شحاتة خميس]

كلنا معكم وان شاء الله حقنا لراجع لنا

[Dr.mahmoud ragab]

المشاركة الأصلية كتبت بواسطة tarek888

يا عم كنج دومو انت خليك في حالك
وبعدين هو انت بقيت دكتور ازاااااااي اتق الله فيما تقول
وبعدين ماانت أخدت كادر الطبيب عشان كدة زعلان قوي .... فهمت اااااه .
اتق الله في شغلك واقفل عيادتك لو ليك عيادة أصلا يا عم دومو

على فكرة انا لسة رايح اولى طب السنة دى وكانت كل الدروس الى باخدها خصوصية ولو مش مش مصدقنى تعال اتفرج على مدرسة جمال العطيفى فى اسيوط مش هتلاقى غير الفراش قاعد حتى المدير يقعد ساعة ويمشى وده فى يام المدارس ثانيا انا ايه مصلحتى انى اقول كده انا لو لقيت المدرسين فى مدرستى يشتغلوا بما يرضى الله والله هدافع عنهم لكن والله اول يوم فى الدراسة السنة الى فاتت كانوا عاملين اضراب وبس وياريت كلامك يبقى محترم اكتر من كده

[modym2020]

زيادة الرواتب لازم يكون معاها رقابة فعالة وعقاب للمقصرين
وده لكل فئات الدولة أطباء وشرطة وموظفين وغيره مش بس المعلمين
زى ما فى معلمين بتدى دروس وقت المدرسة
فى مرضى بيموتوا فى المستشفيات والأطباء مشغولين بالعيادات الخاصة
الضمير غايب عن ناس كتير

[مستر محمد أيمن]

المشاركة الأصلية كتبت بواسطة kingdomofbeauty

لو سمحتم فبل ما تزودوا المعلمين فلوس خلوهم فى فى الاول يتقوا الله ويبطلو دروس خصوصية الى نهبت اولياء الامور وانا والله كنت بروح المدرسة مخصوص واسال الاستاذ يقولى مش فاكر اصلى عدى عليا وقت كتير مشرحتوش عشان كده عمر الفلوس ماتخلى المدرسين يبقوا كويسين الا ولو اتقوا الله فى شغلهم واشتتغلوا بما يرضى الله

اتق الله وبلاش اثارة.ده انا حاجز عند طبيب وميعاد بعد شهر والكشف 300 جنيه غير التحاليل والآشعة.....من اين يأتى المعلم بكل هذا وهو رب أسرة ينفق عليها. ولا هو حلال عليكم انتم كادر خاص والمعلم مربى الأجيال لاذم يكون فى الدرك الأسفل.كفاية حرام...بلاش افتراء.