طلبات واستفسارات للاخوة الاعضاء

[mumy2011]

الى السادة الأفاضل مدرسى اللغة الأنجليزية , لا أجد اى كتب خارجية أو مذكرات لمنهج TO THE MAX للصف الاول الأعدادى , ارجو أفادتى سريعآ لانهم لم يسلموا كتب هذا المنهج حتى الآن فى المدرسة , ولكم جزيل الشكر والعرفان

[joe adam]

ممكن رفع صورة من الكتاب باى طريقه من اى طالب استلم الكتاب ولو صوره بالموبيل حتى يمكن المساعده

[Alaa777]

منهج to the max مش موجود له اى كتب خارجيه ومفيش حتى نيه لطبع حاجه السنادى حسب مسمعت لان البهوات اللى اختاروة اختاروة علشان/صفقه]) مش علشان الاكفا وهو منهج شبه فارغ واضعف بكتير من اى منهج تم تدريسه من قبل
نحتاج بالفعل اى توضيح من الاساتذه الافاضل عن مواصفات الامتحان الخاصه به وشكررا

[عمرو حجازي]

المشاركة الأصلية كتبت بواسطة alaa777

منهج to the max مش موجود له اى كتب خارجيه ومفيش حتى نيه لطبع حاجه السنادى حسب مسمعت لان البهوات اللى اختاروة اختاروة علشان/صفقه]) مش علشان الاكفا وهو منهج شبه فارغ واضعف بكتير من اى منهج تم تدريسه من قبل
نحتاج بالفعل اى توضيح من الاساتذه الافاضل عن مواصفات الامتحان الخاصه به وشكررا

على فكرة المنهج مش تافه ولا حاجه دا أكثر من رائع لكن احنا اتعودنا على وجود كتب خارجية وتدريبات ونشتغل الماده زي الرياضيات اسئله وحل بالعكس المنهج دسم وفيه شغل كتير والكتاب تحفه يمكن العيب الوحيد ان المنهج امريكن والمفروض يبقى بريتش

[محمد فوزى عباس]

بجد دا شىء مستفز جدا والله الواحد مش ناقص حيرة انا دوخت ومش لاقى اى مصدر اجيب منة حاجة عن المنهج دة يا ريت لو حد يعرف بس فى موقع اسمة englishtips تقريبا ممكن لو حد مشترك فية يمكن يلاقى حاجة