مقالات الشبح الوهمية ..... المقالة الاولى

[juventus]

معانى لازم تكون جوه كل واحد فينا

الجواب باين من عنوانه , مقالتنا النهاردة عن الأخلاق و القيم و المعانى و المفاهيم الانسانية و الكلام الكبير ده , بس انا هتكلم كلام بسيط نفهمه و نحاول كل واحد واحدة نطبقه فى حياتنا يومياً ...


تعالى كدا نجرب كل يوم الصبح و احنا نازلين المدرسة او الشغل او حتى نازلين نجيب فطار نجرب نجيب مثلن معانا كنزاية بيبسى او إزازة مية و نروح لأقرب عسكرى مرور بنعدى عليه و ندهاله يروى بيها نفسه من وقفته فى الشمس طول النهار , ديه حاجة جميلة ممكن نجربها فى يوم كدا بجد هتحس بشعور مختلف و تحس انك عملت خير و يومك الصبح بقى لطيف كدا و ظريف .


او بلاش تعالى نجرب حاجة كمان , إيه رأيك اول ما تصحل للشغل او المدرسة تقول " يا فتاح يا عليم يا رزاق يا كريم " و تقول صباح الخير و على وشك ابتسامة جميلة , و ده تقدر تكسر بيه روتين الحياة اليومية و حاجة كدا تفتح بيها يومك .


تعالى نجرب كمان حاجة , ايه رأيك تصحى فى مرة كدا و تحضر الفطار لعائلتك مرة كدا كل اسبوع ديه كمان حاجة جميلة جدا ً هتبسطهم و تبسطك و لو انت قافل على نفسك و كدا اكيد هتقربك من عائلتك اكتر .


كمان حاجة جميلة اوى , مش ماما اكييد كل جمعة بتقلب البيت و تنضفه , ايه رأيك و انت فاضى كدا تقوم تنضف معاها و تعملها الحاجات الصعبة و يا بختك بقى لما تدعيلك حاجة تحفة بجد .


يا سلام بقى تبقى فعلن بقى لما تشوف كل واحد فى البيت عايز ايه و انت لما تكون فاضى كدا تنزل تجيبلهم كل حاجة عايزنها و تريحهم من المشاوير و النزول و الف و الدوران على الحاجة .


يا رييت المفاهيم ديه تكون جوانا بجد هنستريح فى حياتنا اوى و هنغير الروتين الى احنا فيه و هنغير حاجات كتيير و هنقرب من الناس و هنعمل حاجة مفيدة نفيد بيها على الأقل عائلتنا .