يــــــــــلا جـــــــــــامعـــــــــــه :)

[مريم السباعى.]

المشاركة الأصلية كتبت بواسطة eng kh zakareya

أروع يوم فى هندسه

امبارح كنت سهران للساعه حوالى 4 الفجر كنت بحل شويه حاجات حسلمهم فى الكليه انهارده
المهم صليت الفجر ونمت على 5 كده وقمت الساعه 7
المهم روحت الكليه عندى محاضره الساعه 8:30 انا قاعد فى المحاضره شايف الدكتور قدامى 2 ومش مجمع خالص مالص وفجأه لقيت نفسى بسّقط ( بمعنى ان دماغى عماله تنزل منى لتحت ) يعنى بنام على نفسى بالبلدى فقلت بدل ما الكتور يشوفنى وأطلع من المدرج بفضيحه لمّ نفسك واطلع انت بالزوق واحضرها بكره المهم قلت انزل انام فى المسجد ساعه اهو اريح بس شويه لغايه معاد المحاضره التانيه ما تبدأ
تمام نزلت المسجد وظبطت المنبه على الساعه 10 وحطيته تحت الشنطه وحطيت دماغى ع الشنطه
انا اساسا من النوع اللى نومى خفيف والموبايل فايبراشن وبقوم فى مينيت
ورحت نمت ومحستش ولقيت الموبايل بيرن روحت صاحى وببص فى الموبايل لقيتها الساعه 2:15
يا دى النيله السكاشن راحت والتجربه اللى حسلمها بخ خلاص
روحت قايم وبدل ما اطلع من المسجد بفضيحه انى نايم فيه 5 ساعات
روحت قايم وخدت بعضى وراجع بيتنا

وتيتى تيتى زى ما روحتى زى ما جيتى

بس يوم رحرحه صوح الواحد متعبش خالص

ينهااااااااااارى شوية شوية تقول صوتى يلى مكنتش سمعانا ييسدى اديك اخدت نومة علشان تعرف تسهر على لابك ومنتدك بس الى مستغرباه بجد ازاى ناس صلت جماعة وسبتك نايم مفروض انهم يحوك تصلى معاهم