الفاشلون لا يكتبون الدساتير

[Mr.Ahmed EL-hady]

لمن لا يعلم

الدستور يكتبه الشعب وليس اغلبيه ولا أقليه

النهارده في اغلبيه... بكره هتبقي أقليه... ونقعد نغير في الدستور كل كام سنه!!!

العنوان الصحيح والمناسب هو: الدستور لا يكتبه الجهلاء

يا ريت تشوفو فيديو لواحد اسمه ابو يحيي وبيقول ايه عن زواج الاطفال في سن الخامسه!!!
هو قيادي سلفي ليه وزنه عندهم!!!

والتاني اللي عايز يحطم أبو الهول عشان حرام

مينفعش الدستور يكتبه ناس تنتمي لهذا الفكر... هما يشاركو ومعارضيهم يشاركو وفي الاخر الشعب هو اللي هيقول كلمته

بس من غير فتاوي الانتخابات وكلام السفهاء بتوع اليومين دول

حسني مبارك كان قوي في ايامه..... هل كان صح انه هو وأتباعه فقط اللي يكتبو ويعدلو في الدستور براحتهم؟!!!!

كاتب الموضوع الاصلي بيناقض نفسه بس هو مش واخد باله

ان في زمن المخلوع والوطني كان هو اللي قوي والمعارضين ملهمش وزن ... يبقي احنا قمنا بثوره ليه لما الاغلبيه المزعومه( مفيش مجلس شعب اساسا) هي اللي تعمل كل حاجه..... يبقي الراجل كان صح بقي!!!

عموما الاعتراض علي الدستور من السلفيين انفسهم عشان عايزين يتجوزا اطفال صغيره.. الكلام ده متسجل صوت وصوره والكل عارفه

والاعتراض من القوي المدنيه عشان معاضين لكده وعايزين يطبقو شريعه الاسلام وليس شريعة الجهلاء

والاعتراض من الاخوان لأنهم عايزين محدش يعارض اي حاجه بيعملوها

والشعب معترض علي اللي بيتعمل فيه من شوية جهله

واللجان الاليكترونيه ملهاش علاقه بالموضوع خالص غير انها تنقل وتكتب مل يملي عليها فقط... مظلومين جدا في الموضوع

ومرسي مش فاضي للشعب وأهم حاجه انه يفكر هيصلي الجمعه الجايه فين وهياخد كام الف جندي لتأمينه

كل دوله في العالم لها فكر ورؤيه واستراتيجيه يقوم بتنفيذها علماء ومتخصصين وذوي الخبره والكفاءه

الا عندنا

عندنا الفكر المهلبي......100 جماعه سلفيه ليها 100 رؤيه كل واحده مختلفه عن الاخري

وكل جماعه فاكره انها هي اللي صح والباقي كله غلط

اي جماعه من الاشخاص تطلق علي نفسها اي اسم تحت شعار الاسلام تبي جماعه لا علاقه لها ولا تعبر عن الاسلام.........ولا هما عندهم في السنه حاجه اسمها جماعة السلفيين والجهاد والاخوان والمسلمين الجدد والكام الفاضي ده؟

اي واحد يربي دقنه ويلبس جلابيه.. يقولو عليه قيادي سلفي وشيخ وداعيه .. وهو اساسا ****************


والا... يبقي لو هما غلط يبقي الاسلام فيه حاجه غلط؟؟؟؟؟

علي ونيس مثلا والبلكيمي ووجدي غنيم وصفوت حجازي وخالد عبد الله وعبد الله بدر وغيرهم... هما دول الاسلام؟؟؟؟.

النصب علي الشعب ليس من الاسلام في شئ

الاخوان نصبو علي الشعب كله في مشروعهم المزعوم

والسلفيين حافظين مش فاهمين اي حاجه

كلهم بيسمعو نفس الكلام وبيرددوه بدون تفكير او فهم

اللي يلغي عقله ويمشي ورا كلام غيره بدون تفكير او فهم يبقي لا مؤاخذه **********

هما بيستخدمو المخ في السندوتشات بس

كان نفسي اشوف واحد سلفي قبل الثوره بس للأسف كان لسه مش طلعو في السوق