الامتحان صعب اوووي

[الفتاة الحائرة]

المشاركة الأصلية كتبت بواسطة _.Mona._

على فكرة بقى
امتحان 2004 كان تااااااااااااافه بجد
ومافيهوش حاجة
---
smart girl
انتى بتقولى الامتحان تافه لانك وانتى بتشوفى الاسئلة ماقعدتيش ف لجنة وقدامك ساعتين
واتنين مراقبين وكل خمس دقايق كلام وتنبيهات وكلام فارغ مالوش لازمة
وكل شوية مراقب يعدى يشد الورقة من تحت ايدك ويبص فيها
مرة بيعدوا الورق
مرة المراقب الاول بيمضى
مرة المراقبة التانية بتمضى
مرة مراقب الدور بيمضى مش فاهمة ايه علاقته بالموضوع اصلا
مرة بيتأكدوا انى مش كاتبة حاجة بالرصاص
وورايا واحدة عمالة تعيط من اول ما الساعة التانية ابتدت وشوية وهاتشد ف شعرها

تفتكرى بعد ده كله الامتحان تافه !!!!!!!!!!!

انا مش بقول كده علشان انا مش فى الامتحان طيب ما انا امتحنت قبل كده واعقد فى لجنة وعمرى ما الوقت قصر معايا طل عمرى بخلص قبل الوقت بكتير

وبعدين انت المفروض ما لكش دعوه باللى حوليكى اعزلىذ نفسك عنهم علشان تعرف تحل انا بالنسبة لى لو مين اقعد يتكلم يعيط يصوت حتى ما بردش على حد الا لما اخلص خالص

وانا بتكلم عن الامتحان ده لانى درست المنهج ده قبل كده والاسئلة واضحة جدا يمكن انتم ما شفتوش الاسئلة قبل كده لكن المدرس اللى كان بيدينى فى تانية ثانوى كان معودنا على الاسئلة ده وكنا بناخد اسئلة اصعب من كده بمراحل فبالنسبة لنا الاسئلة ده كانت تافهة

وكمان كل اللى اعرفهم من تانية عندنا فى المدرسة طالعين من الامتحان مبسوطين جدا وبيقولوا ان الامتحان اتفه مما تصوروا

انتم اكيد اتخضيتم من امتحان ثالثة علشان كد ما عرفتوش بس لو كنتم ركزتم شوية كنت قفلتم الامتحان

يعنى انا السنة اللى فاتت جه امتحان الفرنساوى صعب كله قلق وما عرفش يحل لكن اللى هدى وركز حل الامتحان كله من غير ولا غلطة

والله العظيم الوقت مش مشكلة انا بخلص حل وببقى هطق كل زميلى بيقولوا ان انا اللى ايدى سريعة فى الكتابة

المهم سبكم من اللى فاتت وركزوا فى اللى جاى وربنا يوفقكم