يا قارء موضوعى ماذا تفعل لو كنت مكانى .......محتاجلكم بجد اوى

[شموخ مسلمة]

بص هو مبدايا كده ربنا معاك

ثانيا بقى نتكلم بالعقل عشان مانظلمش حد

صراحة كده و بدون زعل ال3 بنات عندهم حق و انت عندك حق بمعنى لو حطيت نفسك مكانهم هتلاقى ده التصرف الطبيعى

الاولى : فى 2 اعدادى واحد بتعامله زى اخوها مافيش اى مبرر لاى اهانة ليها فجاة و ادام الكل يعمل معاها الموقف ده من غير اى سبب انا عارفة انك ليك سببك اللى هو لمصلحتها بس كان ممكن تقولها _انا مش بلوم عليك بس انا بحب اشوف الصورة من جميع جوانبها و والله انا بتعامل كده مع نفسى_ كان من السهل عليك انك تقولها يا فلانة عشان مصلحتك مش هينفع نتعامل مع بعض تانى لان دى سمعتك بس و الله انتى اختى و ربنا شاهد ع كده و لو احتجتى اى حاجة منى انا تحت امرك ............دى الاولى

التانية بقى: بالله عليك لو اختك مكانها او يعنى مش عايزة اقول حط نفسك مكانها واحدة لاقيت واحد بيقولها الكلام ده و من الناحية التانية واحد عمال يشوه صورتك و انت مش موجود طب عايزها تعمل ايه ماتقولش تستنى لما تسالنى لان هيا مهما كانت تعرفك مش المفروض انها تدى ثقتها الكاملة فيك خاصة انها بنت و انت ولد و انت شايف الدنيا انا مش قصدى اى حاجة وحشة و الله ابدا انا بس بقولك اللى ممكن يكون دار فى دماغها

التالتة بقى: بص هيا ممكن تكون كلمتك و بعدين كونت رايها ده
او ممكن تكون كلمتك و بعدين اتناقشت هيا و مامتها او هيا و اختها او سمعت شيخ و وصلت لرايها ده
او ممكن ضميرها يكون انبها و ماحدش يقولى انبها ع ايه كل واحد ليه مبادئه اللى هو ملتزم بيها
دى حاجة كويسة فيها جدا انها تتناقش مع نفسها و ترجع لمبادئها بغض النظر عن كونها صح و لا غلط_بس ع فكرة انا متفقة مع مبداها_بس ما علينا

بص هو انا بس حبيت اوضحلك انهم مش وحشين و مش غلطانين انا اه مش عارفاهم بس التمس لاخيك اى عذر

نيجى بقى لشعورك اه انا معاك انك المفروض توضح الحقيقة بس لاحظ ان هما مش فرض عليهم انهما يقتنعوا بيها بمعنى والدتك او اى واحدة تقربلك خاصة لو العمر متقارب ممكن تتصل بيهم او تكلمهم ال3 و توضح لهم الحقيقة و الله صدقوها عادى انتم اخوات حتى لو مافيش كلام ماصدقوهاش انت عملت اللى عليك و الحقيقة بانت هما لو مش صدقوها ده يبقى عشان هما اصلا مش عايزين يصدقوها

ومعلش كان ليا تعليق ع موضوع العياط
هو معظم الشباب مش بيحبو يعيطو يمكن اقولكم اوكى لو قدام حد بس انت مع نفسك حتى دى هتحرم نفسكم منها بعدين العياط بجد بيريح اوى و ع فكرة ده كمان مفيد للعين

انا بس عايزة اقولك الدنيا فيها الحلو و الوحش و اوعى تخسر نفسك او مبادئك لاى سبب او لاى حد مهما كان و مهما كانت قيمته عندك

و بالتوفيق
وشد حيلك فى الثانوية