سؤالـ فـ إمتحان فيزيا ( إعدادى هندسه إسكندريه )

[To Be Is To Do]

المشاركة الأصلية كتبت بواسطة Dr..ESRAA

شكرا جزيلا يا بشمهندس وأحب أقولك
من خلال الدراسة المتأنية للإجابة والبحث عن المتغيرات والمعطيات
والمفهوم ومحاولة ايجاد العلاقة بين هذه الاجابات وللأسف مفيش
أحب أقولك اني مفهمتش حاجة خالص
تـــــحــــياتي

وده كلام ناس عاقلين اصلا ولا ده كلام يتفهم بس تلاقى نص الدفعه سابوا السؤال وقعدوا يفتكوا الماتش ويحكوا على أمل إن المصحح يرأف بيهم ويديهم اى حاجه لكن هيهات سؤال عقيم من انسان متعصب للرياضه

أصل احنا الكليه بتاعتنا كده كلها اساله من النوعيه العقيمه دى

طب اقولك سؤال شفوى

ليه بيعملوا اطار العربيات من المطاط مش من الملوخيه
سيبك منهاى يمكن مبتحبهاش

طب ليه بتقلى الفلافل فى الزيت مش فى الميه
برده مش بتحبيها مش مشكله برده

طب ليه فى امتحان الشفوى الدكتور اول لما الولد دخل عليه وقاله افتحلى الشباك اصل الجو حر وراح الولد يفتح الشباك راح الدكتور قاله الامتحان خلص واداله زيرو من غير ما يساله فى ولا كلمه فى المنهج


طب ليه برده فى امتحان الشفوى اول لما الدكتور دخل عليه الولد وقاله الدكتور هو الجاكيت ده لونه ايه راح الولا قاله اسود يا دكتور وبيقولها بكل فخر راح الدكتور بكل برود اداله زيرو بده من غير ما يسأله ولا سؤال من المنهج

كل ده يخلى اى حد فى هندسه اسكندريه يجيله جفاف من الحياه وشعرف يقف ويتهطل