ميكى و بطوط

[نحلة المنتدى]

المشاركة الأصلية كتبت بواسطة الاستاذة نجلاء علي

تسلميلي أنا الأسعد بوجودي في موضوعك سأضع موقفا آخر عملت معنا مدرسة لغة انجليزية بنظام الحصة و كانت زميلة أخري دخلت عليها الفصل في الأسبوع الأول من تسليمها العمل وجدتها تصور تلميذة في الصف الأول الابتدائي أنا عن نفسي لا أري أدني مشكلة في هذا الأمر المهم أن الزميلة قصت علي الأمر فقلتلها و ايه المشكلة قالت لي يعني مش عارفة قلتلها عارفة ايه قالت تركيب الصور قلتلها صور ايه اللي تتركب و هتستفاد هي ايه و هي أساسا ليست من البلد و لا تعرف البنت و لا أهلها و بعدين البنت في أولي ابتدائي قالتلي طيب بتصورها ليه قلتلها مش عارفة يمكن البنت جميلة في الشكل قالتلي البنت مش حلوة خالص قلتلها يمكن شاطرة يمكن أي حاجة قالتلي طيب هقولك علي حاجة ثانية فلانة مدرسة الرياضيات و جدتها تاركة الفصل وواقفة في الطرقة الي أن انتهت الحصة قلتلها طيب تترك الفصل ليه قالتلي قولي انت قلتلها معرفش قالتلي انت عارفة هي عرفت انها أصبحت غير مرغوبة منا فتوقفت عن الجلوس معنا و أصبحت تجلس في مكتب الناظرة لأ و ايه في آخر المكتب و لا تتكلم مع أحد قلتلها هي بس عشان لسة جديدة معاكم و كمان يمكن لبسها للنقاب مخوفكم شوية منها قالتلي ليه هي بس اللي جديدة و كمان احنا أول مرة نشوف واحدة لابسة نقاب قلتلها لو قعدت معانا هعرف هي ايه بالظبط فردت بنرفزة قال يعني أنا هعرف أحكم عليها و هم لا يعرفون فتوقفت عن الكلام و قالت هي لما تقعد معانا كان كلامها كله عادي في الأول و بعدين أخذت جنب لما شعرت أنها غير مرغوبة جعلت هذا الموضوع في دماغي و سأبحث فيه بطريقتي فلم يشغلني التصوير اطلاقا و لكن ماشغلني أنها تترك الفصل هل هي ليست مدرسة انجليزي أم ماذا
المهم جائت لي الزميلة مرة أخري و قالت أنا حكيت للناظرة كل حاجة عن المدرسة دي عشان أخلص ضميري و هي حرة تراقبها بطريقتها قلت لها ليه بس كدة ما انت عارفة الناظرة لا تحل شيئا كل ماعليها انها ستحكي الأمر لأمة لا اله إلا الله و خلاص و مش بعيد تتصل بأحد الموجهين تأخذ رأيه قالت لي انت بتقولي فيها أنا طلبت منها أتحدث معها بعيدا و بعد أن قصيت عليها الموقف قالتلي حتي الأستاذ فلان وكيل المعهد بيقول أنا قلبي بينقبض لما تدخل علي (أنا ضحكت) ثم و جدت الموجه يسألها فيه حاجة فلسة بتحكيله قلت لها ياحجه قالت لازم يعرف مش الموجه قلت لها أنا مالي أنا خلصت ضميري قلت لها طيب ينفع كدة المهم معي في المعهد زميلة أتحدث معها كأني أتحدث مع نفسي قلتلها أنا عاوزة اعرف نظام الأبلة دي في الفصل ايه قالت لي بصي ياستي لسة العيال جايين النهاردة و شكوا منها و طلبو مدرس آخر و الناظرة بدلت المدرسين و دخلتلهم مدرس ثاني قلت لها يبقي عملنا ايه أنا عاوزة اعرف بتشرح ازاي قالت العيال بتقول بتدخل الفصل تقعد في آخر دكة و تقرأ لوحدها و اللي عاوز حاجة يعملها قلت لها المفروض مدرس انجليزي يقعد معاها يعرفها تشرح ازاي لان العيال في ابتدائي قالت ليه هي ماكانتش مدرسة قبل كدة قلت لها يمكن كانت تدرس لإعدادي أو ثانوي قالت ياسلام
المهم حصل موقف أمامي منها طلبت من مسئولة التوريدات كتاب دليل المعلم و بدلا من أن تتحدث لغة عربية قالت guide teacher و المفروض أنها تتحدث مع ادارية فالمفروض أن تتحدث معها باللغة العربية فتحدثت مع زميلتي الأولي التي قصت علي أمر التصوير فقلت لها علي فكره دي غلبانة خالص كل مشكلتها أنها لا تتحدث مع قدر عقل من أمامها
قالت لي هو أنا ماقلتلكيش قلتلها قلتيلي ايه قالتلي مش أنا جعلتها ماشية و ناديت عليها و قلت لها انت بتصوري البنت ليه قالتلي ليه انت فكرتي حاجة وحشة قلت لها ممكن و ممكن قامت طلعت الموبايل و قالتلي هي دي قلت لها أيوة قالت شبة بنت أختي جدا و كنت أريد أن أوري الصورة لأختي و بتقولي فأنا اطمئنيت أما أنا ضحكت لأني لم كن أتخيل أن الصورة تشغل المعهد كله فما كان يشغلني هو الشرح في الفصل أما الصورة فلا شيئ

بصى والله انا من راى
انها غلبانه اما ف حكايه الشرح انا اعتقد انها مقصره
معنى ان الاولاد يشتكوا منها يبقى اكيد مقصره لانهم اكيد مش هيتهموها بحاجه مش صحيحه

شكرا ع الموقف الجميل ده
ف انتظار مواقف اخرى

[الاستاذة نجلاء علي]

المشاركة الأصلية كتبت بواسطة نحلة المنتدى

بصى والله انا من راى
انها غلبانه اما ف حكايه الشرح انا اعتقد انها مقصره
معنى ان الاولاد يشتكوا منها يبقى اكيد مقصره لانهم اكيد مش هيتهموها بحاجه مش صحيحه

شكرا ع الموقف الجميل ده
ف انتظار مواقف اخرى

يا أستاذة النشاط في المنتدي طالما أنها استغلت الحصة في أمر آخر بجانب الشرح اذا هي مقصرة فالحصة لشرح التلاميذ و تعليمهم و ليست لتصويرهم
علي فكرة شكوي الطلبة من المدرسة وراءه موظفة في المعهد ابنتها في الصف الثالث الابتدائي و المدرسة كانت تدرس للصفين الأول و الثالث الابتدائي الموظفة قالت لابنتها لو المدرسة طلبت تصور حد منكم ارفضوا فابنتها قالت لها ياماما هي دخلت الفصل و قالت لنا هو التصوير عندكم فيه مشكلة يعني مافي أحد من المدرسين صوركم حتي للذكري
و بعدين قالت لها ياماما لا تكتب حاجة علي السبورة و لا تجعلنا نقرأ ورائها قالت لها جمعي مجموعة من زملائك و ادخلوا للناظرة
مشكلة المدرسة هذه أنها لا تتعامل علي حسب العقلية التي أمامها كأنها تدرس في الجامعة

[نحلة المنتدى]

المشاركة الأصلية كتبت بواسطة الاستاذة نجلاء علي

يا أستاذة النشاط في المنتدي طالما أنها استغلت الحصة في أمر آخر بجانب الشرح اذا هي مقصرة فالحصة لشرح التلاميذ و تعليمهم و ليست لتصويرهم

علي فكرة شكوي الطلبة من المدرسة وراءه موظفة في المعهد ابنتها في الصف الثالث الابتدائي و المدرسة كانت تدرس للصفين الأول و الثالث الابتدائي الموظفة قالت لابنتها لو المدرسة طلبت تصور حد منكم ارفضوا فابنتها قالت لها ياماما هي دخلت الفصل و قالت لنا هو التصوير عندكم فيه مشكلة يعني مافي أحد من المدرسين صوركم حتي للذكري
و بعدين قالت لها ياماما لا تكتب حاجة علي السبورة و لا تجعلنا نقرأ ورائها قالت لها جمعي مجموعة من زملائك و ادخلوا للناظرة
مشكلة المدرسة هذه أنها لا تتعامل علي حسب العقلية التي أمامها كأنها تدرس في الجامعة

اها فهمت قصدك
طيب بدل اما هى مسببه مشاكل كده للتلاميذ
يبقى ينهوا عملها ف التدريس
انا عارفه انها حاجه صعبه
بس هو ده الحل

[الاستاذة نجلاء علي]

المشاركة الأصلية كتبت بواسطة نحلة المنتدى

اها فهمت قصدك
طيب بدل اما هى مسببه مشاكل كده للتلاميذ
يبقى ينهوا عملها ف التدريس
انا عارفه انها حاجه صعبه
بس هو ده الحل

ياقمر هي لسة مدرسة جديدة فالمفروض تتعلم و تعرف كيف تتعامل مع التلاميذ و لابد من منحها الفرصة و ارشادها بالطريقة المناسبة للتعامل

[نحلة المنتدى]

المشاركة الأصلية كتبت بواسطة الاستاذة نجلاء علي

ياقمر هي لسة مدرسة جديدة فالمفروض تتعلم و تعرف كيف تتعامل مع التلاميذ و لابد من منحها الفرصة و ارشادها بالطريقة المناسبة للتعامل

اكيد طبعا كل واحد لازم ياخد فرصته