ثوار مصر...امل مصر.....خراب مصر

[*تائبة فى رحاب الله*]

لما الاقي واحد بيصرف ارقام بالشئ الفلاني لحملة انتخابية من غير ما يفصح عن تمويله دا يخليني اشك

يعنى تقصد بيجيلهم تمويل من برة ..؟!!
بص يااخى الكريم عشان تعرف ازاى النظام جوه الجماعة
كل واحد بيدفع جزء من مرتبة بنسبة معينة يعنى مثلا 5% من مرتبه
دى بتتحط فى الجماعة اى حد بيترشح سواء فى دايرة او رئاسة
بيتم الصرف منها
الاخوان جماعة متعاونة جدا مع بعضها وده اللى الناس مش قادرة تفهمه لحد دلوقتى
فمتقولش حكاية تمويل دى تانى لو سمحت الا متعرف ازاى الجماعة نظامها ايه؟؟
انا مسمعتش عن المشروع بتاع حمدين صباحى قدموا امتى؟؟؟ هو اصلا رضى يقعد مع الرئيس
المعارضة دى المفروض تنزل وتعمل مشاريع وتورى الناس شغلها بس بحسن نية عشان ربنا يوفقها
مش بطانية للصعيد ..!!O.o
للاسف المعارضة اللى موجودة ع الساحة دلوقتى 99% منها فساد فى القضاء فى الاعلام فى المؤسسات
تعرف والله انا والدى قال لزمايله فى الشغل احنا المفروض نتبرع بجزء من مرتبنا كل شهر لحد مالبلد تمشى ويقولوا خلاص الاقتصاد بقى كويس
اللى وافق طبعا الاخوان والمؤيدين المعارضين
هى البلد عملتلنا حاجة؟؟!! هو الرئيس ولا الناس دى؟؟ احنا مش هندى حاجة ناقص نصرف على غيرنا؟؟
ده اول موقف ده رد المعارضين
جم تانى ساعة لجوء السوريين فى مصر واحد يقول لوالدى احنا لاقيين ناكل لما يفتح المدخل لسوريا؟؟!!
بالزمة يعنى ترد عليهم تقول ايه؟؟
عشان تعرف الفرق بين الاخوان وغيرهم
هتقولى عشان هم المعارضة مش عارفين يعملوا
هقلك كتر خير الاخوان بقى
فى سنين الظلم والسجن ده وكان نظام ديكتاتورى بحت
كانوا بيعملوا مشاريع ومحدش يقدر ينكر ده
تب سؤال انت مش لك جار اخوانى؟؟ اكيد لك
صدر لك منه اى حاجة وحشة هل بيسب حد هل بيشتم حد
متحكمش على الناس الا من تعاملاتها
والله انا ضد كل اللى المعارضة بتعملوها فى سياستها مش كون انها معارضة
المعارضة شىء اساسى وانا معترضة على حاجات فى النظام ده
بس لمين من كل حدب وصوب ..!! فلول تلاقى اعلاميين مش عاوزة ازود عن كدة تلاقى
اساس الفساد تلاقى .......!!
يعنى المؤسسين لها اصلا فى عمرو حمزاوى وفيه عمرو موسى وفيه الزند وغيرهم من القضاة الفاسدين
وغييره كتير
بالنسبة لحمدين صباحى فنزل من نظرى جداااااااااااااااااااا
انا مش كنت معارضاه ايام الرئاسة ولا كنت معاه انا كنت بدافع عن مرشحى ومكنتش ممانعة انه يمسك
اصلا فى ماس قرايبنا واخدينه بس للاسف هم دلوقتى ضده كان همنا الاول والاخير ممنوع فلول يمسك
لاحظ ان طلب السلطة ولسة هيموت وياخدها

بالنسبة بقى لحوادث القطارات
فعلا مرسى غلطان ازاى اول ميمسك ميغيرش السكة الحديد كلها ويجيب قطارات جديدة
ميزانية منين؟؟
على فكرة كل اللى بيسوق فى السكة الحديد او نسبة كبيييرة جدا منهم
كلهم اكتر الاوقات بيكونوا مغيبين بسبب الزفت اللى بيشربوه ومدمرهم فعشان كدة مبيبقوش فى وعيهم
فى كل مفصل من مفاصل الدولة فسااااااااد صناببييييييير كتيييرة جدا كل ميحاول يقفل تلاقى ايد تانية جاية تفتح...........انا نفسى نسيبنا من الخلافااات حراام عليكم بجد انا كرهت العيشة دى
حراام والله خلوا البلد تمشى
والله الرئيس عليه مسئوليتا كبيرة اشمعنى هنا مش بنقول الشعب هو مصدر السلطات
ولا الحلو اه والوحش لا
كفاااااااااااية كفاااااية بجد يعنى مستحيل اللى بيحصل ده
بس نصيحة اقرأ ازاى كانت تركيا قبل اردوغان عاملة ازاى ودلوقتى بقت عاملة زاى
هتتصدم والله مكنش عندهم مياه ولا مواصلات ولا مساجد ولا ........ عيشة زى مبيقولو الكافر ميرضهاش
احنا جنبهم فى وضعنا ده باريس نيو فاشيون
اردوغان اخوان للاسف وهناك الحزب المصلح حزب العدالة والتنمية اخوان
بس الشعب كان مع الحكومة فعشان كدة قدروا ينهضوا فى 10 سنين مش فى 6 شهوور
فلازم كل واحد يبدأ بنفسه
للاسف انا مبدأتش لانى عندى امتحانات ومفتحتش حاجة
هو الشعب عمره مهيخلص الا اذا غير نفسه وانا اولهم
والله انا لا بميل لده ولا لده يمكن شوية تيار اسلامى بس بجد انا فرحت جدا لما المعارضة وافقت تقعد مع الشيخ محمد حسان واعتبرتها بداية جديدة
وربنا يصلح ولاة امرنا