حصريا بين ايديكم نموذج الاجابه فقط تتوقع كام بعد ما حملته

[SENDRILLA]

المشاركة الأصلية كتبت بواسطة dr/kh.moh

السلام عليكم .
انا اكبر منكم شوية انا ف سنة تانية طب الاسماعيلية,وطبعا شوفت الامتحان ونموذج الاجابة لان وللاسف اختى قدكم وعانت نفس المعانة بتاعتكم واحنا طبعاااااااااااااا معاها.
المهم ما علينا من الكلام ده :انا معاكم فعلا ان الامتحان صعب شويتين بس ع فكرة لو كنتو ركزتو كنتو هتحلو فيه احسن من الحل ده ا لمشكلة انكم اصابكم التوتر والقلق ف الامتحان اللى مش ناقص اصلا نظرا لانه فيزيا فالتوتر اساسا موجود والحمد لله ,طيب دخلنا الامتحان وخرجنا منهارين وطلع المسئولين قالو الكلام المعتاد وفى نفس الوقت الناس كلها ساخطة عليهم وع البلد وع كل حاجة, انا نفسى باه اسال كل واحد منكم بيدخل ع قسم الفيزيا ع المنتدى بيستفيد ايه من كده؟؟؟؟!!!!!
هتردو تقولو بنطمن نشوف الاخبار ,ولكن العكس بيحصل تكتشفو اخطاء وتتخنقو والنتيجة ان الكتير منكم مش ذاكر لغاية دلوقتى حاجة بعنى ضيعتو مادة والله اعلم باللى جاى يا جماعة الفيزيا راحت زى ما راحت خالص مش هتستفيدو حاجة ركزوا ف اللى جاى عشان متندموش فعلا اللى عليكم تذاكرو اللى جاى عشان تكونو عملتو اللى عليكو ف كل حاجة ولاخر يوم ف السنة كلهاوخليكو فاكرين ان الله لايضيع اجر من احسن عملا وانتو تعبتو وعملتو اللى عليكو اصبرو لما النتيجة والتنسيق ينزلو وبعدين ازعلو انتو مش هتقدرو تغيرو اللى فات وكمان بجد نصيحة من مجرب مش تسمعو نهائى كلام الجرايد بجد.
عجبنة جدااااااا نوبل لانه مازال مصر ع هدفه وعان شاء الله ربنا يكرمه لانى نسى اللى فات ولسه مصمم ع هدفه ومش متنازل عنه طبعا كل شئ بايد ربنا بس هو مصمم يعمل اللى عليه وان شاء الله ربنا يكرمه ويكرمو كلكم عشان انتو تعبتو
انسو اللى فات يا شباب وبنات وربنا يقدم لكم كل خير ان شاء الله زاكرو للجاى وانسو اللى فات ع الاقل لغاية ما تخلصو
ربنا معاكم واكيد هيكتبلكم الخير ان شاء الله ف احد كليات القمة او غيرها لاقدر الله
اسفة للاطالة

قبل كل حاجه انا مبسوطه جدا انك هنا معانا
حاسه بينا وبتنصحينا
بجد احساسي بعد ماشفت ردك وعرفت انتي مين من غير ما حد يقوللي اسعدني جدا
عندك حق بجد في كل اللي قلتيه
بس صدقيني كان غصب عني
طب انتي عارفه اللي نكد عليا اكتي
اني لقيت اختك منهاره
وفي الاخر اكتشفت ان اخطائها اقل من اخطائي اصلا
دي في حد ذاتها خلتني احس بالفشل
بجد كان حلم جميل اني ابقي دكتوره صيدلانيه دلوقتي الحلم ضاع مبقاش في حاجه ابك عليها
خلاص كله راح ومبقتش الدنيا هي لدنيا زي ماكانت بتقول اختك اللي احنا الاتنين حلمنا ضاع في 3 ساعات بسبب انسان معدوم الضمير
بس انتي عندك حق
مبقاش في فايده الكلام ولا الرغي الكتير
قلنا كتير ودعينا ومستقبلنا ضاع واللي كان كان
بجد انا لولا اني خايفه مابقاش قد كلمتي كنت قلتلك مش هدخل تاني
بس اوعدك اني هقلل دخولي خالص وهيكون بس عشان حاجهم مهمه مش اكتر
ادعيلنا كتير من قلبك
وكل ما تفتكري اختك افتكرينا مع اني عارفه انك مش بتنسينا
اسيبك حبيبتي في رعايه الله واتمني تكوني انتي عرفتيني ولو مش عرفتيني اختك تقوللك