حملة التوعيه ضد الالتهاب الكبدى الوبائى

[alqadhi]

السلام عليكم ورحمة الله وبركاته

نشكركم على مجهودكم جعله الله في ميزان حسناتكم

المعاملة مع الطفل لها وضع خاص جدا وقد اتفق مع من سبقني من الاعضاء الكرام اهم شيء هو النزول لمستوى تفكير الأطفال والتفكير وكأني منهم هذا أهم شيء اتعامل معهم بأسلوبهم...

عند فكرة لحضرتك طبعا حضرتك هتكوني غريبة على الأولاد ممكن تدخلي الفصل وتعرفيهم بنفسك انا استاذة....... معلهش بقى كلنا تعبانين عشان لسه راجعين من اجازة والاجازة كانت جميلة جدا انا كنت في .........

دلوقتي كل واحد بقى هيقول هو كمان راح فين ؟؟؟ وبيحب يشوف ايه كمان في التليفزيون ؟ واهم حاجة كمان تواصلك معاهم في الكلام يعني واحد هيقولك انا بحب..... طيب ليه مش بتحب......... ؟ الخ الخ....

وتواصلي معاهم عشان يرتاحوا نفسيا لحضرتك ويتقبلوا بعد كده كل حاجة
طبعا لو العدد كبير نختار عينة صغيرة عشوائية من هنا وهنا بنت وولد وكده يعني.....
ايه رايكم في لو واحد بيشرب مياه من الترعة مثلا ؟ كويسة ديت ؟ او بياكل اكل عليه حشرات ؟ اكل جميل جدا طبعا ولذيذ صح ؟ جدااااااا ؟ يااااااه ؟

هيقولوا لاء طبعا ......
طيب يعني الحاجة دي مش كويسة هيقولوا اه طيب واللي يعملها ونشوفه يعملها نعمله ايه ؟؟؟؟ نحرمه من اي حاجة بيحبها هتكوني طبعا عرفتي حاجته اللي بيحيها........
طيب ايه رايكم لو اكلنا طعام نيء او فاكهة مش مغسولة كويس اه بتبقى جميلة ........هيقولوا لا..........وتوضحي ليهم الصح كذا.......
وبكده يبقى عرفوا مثلا اسباب المرض بطريق غير مباشر وكده.........
وتمشي معاهم بنفس الطريقة في باقي الحاجات سواء العلاج مثلا تقولي لو حد تعب من حاجة لازم نقول لمين .......الخ الخ......

وبكده ممكن حضرتك تقولي نخلي بالنا عشان ممكن نتعب جدا من الحاجات اللي بيعملوها الاولاد الوحشين دول وممكن مش نقدر نيجي المدرسة ونقابل زملائنا ومدرسينا اللي بنحبهم ......الخ

تلك هي وجهة نظري ........... ,وارجو ان اكون قد وفقت في عرض لمحة بسيطة ومساعدة صغيرة جدا واعتذر للاطالة عليكم وطبعا انتم اهل التخصص لكم رؤية تفوقني كثيرا .......اشكر لكم سعة صدركم وجزاكم الله خيراااااااا