جروب 3 ثانوى ( علمى علوم )

[دراكو مالفوى]

المشاركة الأصلية كتبت بواسطة eng khaled zakareya

جماعه حته القصه دى متخافوش منها
هو بيجيب قطعه وعليها 3 أختيارات معنى وعكس مثلا وما المقصود بجمله كذا أو مفرد كذا أو جمع كذا حاجات من دى يعنى بتيجى من فهمك للكمله فى موضعها فى القطعه
وده سؤال ( أ )

سؤال ( ب )
أعتقد بدأوا يجيبوا نقطتين فى ( ب ) نقطه منهم على الأقل لازم تكون فى القطعه بتنقلها زى ما هى
طب والنقطه التانيه يا موجوده كلها فى القطعه بتنقلها يعنى يا نصها موجود والنص التانى بتجيبه من خلال مزاكرتك يا أما مش موجوده خالص وانت اللى بتفتكر الاجابه وتكتبها

سؤال ( ج ) ده بقى يا نقطه يا اتنين وبييجى من خارج القطعه تماما بيعتمد على فهمك للقصه بقى ومش لازم يجيلك من الفصل اللى جايب منه القطعه
يعنى مثلا القطعه فى الفصل الأول ج 1
والسؤال يجيلك فى الفصل الخامس او اى حاجه يعنى فلازم تكون فاهم السؤال وتعرف مكانه فين وتجيب إجابته
وساعات بييجى نصه سؤال عن الاحداث والنص التانى بما توحى تلك العباره / ما دلاله قول الكاتب فى كذا / بما توحى جمله كذا / .... يعنى حاجات تعتمد على الفهم واى اجابه منطقيه بتاخد الدرجه كامله

وعلى فكره القصه مش بتيجى صعبه خالص بتيجى سهله جدا وزى ما قلت أكتر من نص السؤال بييجى م القطعه كل اللى عليك انك فاهم الاحداث وبتكتبها وبس

لو سمحت انا زهقت من الفيزياء مش عارف اذاكرها منين
معايا كتاب المثالى
ومذكرة شرحها مبسط (مختصر يعنى )
وكتاب المدرسة
فى الاول كنت بجمع مذاكرة التلاتة دول فى كشكول بطريقة منظمة وحلوة حتة من هنا وحته من هنا
وبعد كده لما احل والاقى ملاحظات اكتبها فى الكشكول
بس ده بياخد وقت جامد ايه رأيك استمر ولا اذاكر من حاجة واحده ؟ وايه هيا؟
انت جربت المعلم فى الفيزياء...؟ واحد قالى وحش
الباب الاخير فيزياء الاستاذ قال اوعوا تذاكروه من اى حته غير من كتاب الامتحان مراجعة نهائية تحفظوه وتقروا كتاب المدرسة لان 99.999 % من اسئلة الباب ده مكررة ومحفوظة ومعروفة .اما لو ذاكرتوا من الكتاب هتتعقدوا