هل تقبل ان تتزوج فتاه فقدت عذريتها

[wanda]

المشاركة الأصلية كتبت بواسطة 3olomgy

مش عارف الموضوع ده ليه له شعبية كبيرة كده فى قسم الرجالة ؟ ...ما شاء الله ناس كتير شاركت برأيها وبالتالى قلت انا كمان اتكلم يعنى هى جت عليا

المشاركة الأصلية كتبت بواسطة 3olomgy

المشكلة فى رأيى فى المفاهيم ..ايه معنى الشرف فى ذهنك ؟ عن نفسى الشرف عندى هو احترام الانسان لنفسه ، يعنى لما اكون باصص لنفسى بصة محترمة وضميرى مرتاح يبقى انا كده انسان شريف وبالتالى فالشرف هو التنزه عن الافعال المشينة والماسة بالاخلاق وحتى لو غلطت فباب التوبة مفتوح ومفيش بين العبد وآلهه حاجز ابدا
لو هنتكلم عن العذرية ووضع صورة واحدة ليها فى غشاء البكارة فده فى رأيى تخلف
لان الغشاء مش ختم معناه ان البنت محترمة ...ممكن فى عصرنا ده ومع تطور الطب انك يضحك عليك بكل سهولة يا فالح
بالاضافة الى ان الغشاء ده ممكن يتمزق من اى رياضة عنيفة زى الكراتيه مثلا او الجمباز او حتى ركوب العجل وبالتالى احنا كده بنظلم بنات الناس لمجرد حتة غشاء
بالنسبة بقى لو الراجل عرف ان البنت ليها ماضى مشين وتأكد من ده بنفسه من خلال البنت بنفسها يعنى هى اللى تعترف بكده فهنا الموضوع صعب عليا شخصيا وعلى اى راجل شرقى بس بالنسبالى - هنتخيل ذلك لان انا ظروفى بعيدة عن الوقوع فى الحالة دى وعمرها ما هتحصل ابدا - هفكر شوية قبل ما اخد قرار الارتباط ولازم استوثق من حتة انها تابت واعترفت بذنبها بينها وبين ربنا ؛ اما اذا كان السبب ****** فطبعا ده مش هيفرق معايا فى شىء بل بالعكس ده هيخلينى حريص فى تعاملى مع البنت دى اكتر واكتر واحاول ما افكرهاش بحاجة زى كده
واخيرا انا برفض اننا نحكم على اى بنت بالاعدام والعار لانها غلطت ...ما الولد عندنا بيغلط وبيتفاخر وبيروح يحكى لاصحابه كمان..ليه ما نحاسبوش ؟ ليه نقفل باب التوبة والرجوع لربنا فى وش غيرنا ونفتحه لينا احنا بس ؟
شكرا ع الموضوع

كلامك صح بس مش اووى ما انا بلعب كارتيه وطائرة وبقع فى اليوم الف مرة
بس على فكرة لازم البنت تكون حزرة لان المجتمع مبيرحمش
وبعدين تلبس بنطال ضيق تحت اى لبس هى لابسه
تحت جيب او عبايه كده يعنى..
وفى عمليات دلوقتى زى ما اللى فوقى بيقول يعنى مش هتعرف انها كويسه او مش كويسه
الا لما تكون عارفها من زمان وعارف اخلاقه ...
التقدم الطبى بوظ الدنيا بس فى الاول والاخر الواحد طالما متأكد ان البنت اللى
هيتجوزها عندها اخلاق و بتعرف ربنا ديه اهم حاجه وبعدين الدنيا اللى احنا فيها غااااااابه
البنت لازم تقعد فى البيت فى قوضه مقفولهلحد ما يجى عريسها يأخدها فى بيتها
وبرضك يحطها فى قوضها مقفوله وعلى بابها عسكرى يحميها لو هو مش فى البيت
واه يا زمن وعجبى من دى ايام
اسفه على طول ردى ...