كبسوووووووووووووووووووووووووووولات

[أ/رضا عطيه]

فى حوار مذاع بين واحد مبحبوش وواحد مابيطيقوش
لقيت اللى مابيطقوش شغال (الرئيس المخلوع - الرئيس المخلوع )
واللى مبحبوش هو كمان اشتغل على نغمة (الرئيس المجذوع - الرئيس المجذوع )
نخب صحيح وعمرها ماهتحس بالجوع
طب بالله عليكم
لما أقصى اليمين علق خيبته وفشله على شماعة الرئيس المخلوع
وأقصى اليسار هو كمان علق ضعفه على شماعة الرئيس المجذوع
هيعمل إيه الشعب الغلبان واللى فى النص حيران
ومن دول ودول طهقان زهقان مفقوع!!!!!!

يسكت عن الكلام وم المغرب ينام
ويسبح ف الأحلام أحسن م الأوهام
لاعمر المداح هيبطل مدح
ولا المعارض ناوى يسكت ويعديها بسلام

هى دى مصر ماركة مسجلة
جيش من المداحين المنتفعين
وجيش من الأحزاب الكرتونية المفتعلين
وسيل من طهر فى أرض الكنانة بين فقر وجهل وحرمان مُهملين ومُهمشين

وربك أكرم الأكرمين وأرحم الراحمين