..::|( اتكلم عن الثانوية العامة براحتك )|::..

[Slgado]

رأيكن جميل جداً وشجعني على اني ارد ..
وتكلمة لكلامكن ..

ان مدرس الكيميا قالنا ان منهج الكيميا ده اتلغى في العالم من 25 سنة .. جابوه يدرسوه هنا ..

وانا مش شايف اي حاجة في الثانوية العامة تستدعي انها تكون تحديد مصير لطالب .. وانها ليس ليها علاقة بالكليات ابداًأًأأًأًأًأًأًأًأًأًأًأًأًأًأًأًأًأًأًأ .. وانها مش مقياس لاي حاجة في الطالب ..
وغباء من طالب او طالبة انه يوصل بيه الحال انه ينتحر علشان حاجة تقريباً ملهاش لازمة ..

ان الحسنة الوحيدة فيها للمستقبل .. اللغات اللي فيها بس ...

وانا شايف حاجة عجيبة برده .. ( اتمنى ان اجد مشاركة في الرأي ) ..

ان المفروض ان افضل المدرسين يدرسوا في المرحلة الابتدائية ..
علشان اللي بيحصل .. ان اسوأ المدرسين عامة .. بيدرسوا المرحلة الابتدائية ..
اللي بيكون فيها الطفل .. مش الطالب .. في قمة انتباهه وتأثره بالمدرس ..
وانه محتاج الطرق السهلة اللي توصله بيها المعلومة ..
وده على عكس الطالب اللي في ثانوية عامة او كلية ..اللي بيكون عنده القدرة على التقاط المعلومة ..