ماا تفعل لو حصلت على 50/50 فى رياضه 2

[mikyta7n]

المشاركة الأصلية كتبت بواسطة عاشق الرياضيات

انا مش فاهم ده منتدى ولا قسم شرطة ؟؟
واللى عاوز يتأكد هيستفيد ايه ؟.. كل واحد عك فى الرياضيات مش عاوز حد يعلى فيها ؟؟
وبعدين قول اللى تقوله وحط رجل على رجل براحتك .. الـ 50 مش بالكلام .. النتيجة هى الفيصل
وبلاش حقد بقى !

ايه يا عم عاشق الرياضيات....أسلوبك غريب و ميديش أنك عقلية تجيب خمسين في الرياضة أنا آسف يعني....حقد ايه يا عم!!!! أنت شفت في مشاركاتي حقد....ربنا يسامحك علي سوء فهمك يا عم لحسن تكون فاكرني كنت طالع أعيط و محلتش غير سؤالين لأ أنا حليت بس أنا واقعي لأن الامتحانات عالية و مش معقول يعني أني أجيب الخمسين لأن عندي أخطاء نتايج(قليلة علي فكرة) أو حتة كده أو كده و أنا مش بقول يلا دي هتعدي في ظل الوضع الراهن لأ بقول دي مش هتعدي بس ربنا يقدم اللي فيه الخير و أنا عمري ماهحقد عليك لأنك داخل المنتدي تمشي يمين و شمال في المواضيع دأنا عامل دأنا مسوي و الناس جابت جاز و المثل بيقول " داري علي شمعتك تقيد" و لو ربنا أداك علم فلا تتفاخر بيه بل أشكر ربك اللي ميزك بيه و ربك هيظهره و يثبت للعالم كله مش لمنتدي الثانوية ماوهبك اياه وهو يثبت لمصر كلها أنك أفضل واحد في رياضة و أحق واحد بهندسة و لكني أري أنك تسبق الأحداث و متهور في كلامك فأنت لا تعرف الظروف فكان هناك ألوف في دولتنا استحقوا ال50 بجدارة و لكن لم يحصلوا عليها و هناك من لم يستحقها و حصل عليها و التصحيح بيبقي فيه بلاوي الواحد بيسمعها؟؟سامحني للاطالة لكنك استفزتني بكلمتي عك و حقد استفزاز غير عادي لسبب أنت تقول ما ليس من حقك فحقكك أن تقول أنا هجيب خمسين لأنك تتكلم عن نفسك أما انك تقول أني أحقد عليك هذا غير مقبول!!! وبلاش تاخد ردي قفش أوكي :D