البلتاجي" يهاجم "الجيش".. وغضب بالقوات المسلحة من "التطاول"

[المصري أشرف]

"البلتاجي" يهاجم "الجيش".. وغضب بالقوات المسلحة من "التطاول"
القيادى الإخواني: "عسكرى تاني؟ محدش بقى بيتكسف".. ومصدر عسكري: "البلتاجي وإخوانه لايعرفون معنى وطنيتنا"
==========================

هاجم الدكتور محمد البلتاجي، عضو المكتب التنفيذى لحزب الحرية والعدالة، المؤسسة العسكرية رافضا عودتها للحكم مرة أخرى لتولي شؤون البلاد محملا إياها مسؤولية خراب الدولة خلال الـ60 سنة الماضية.
القوات المسلحة المصرية .. أي منطق هذا يادكتور .. مشاكلكم الوراثية مع حقبة عبدالناصر الناصعة ... تلصقها بقواتنا المسلحة .. والله يادكتور أراكم وقد غرتكم أعدادكم .. ويبدو أنكم لم تروا مايحدث في المحافظات .. ربنا يسترها .. فالشعب المصري ليس بضع مئات الألوف
وقال البلتاجي فى كلمته خلال مشاركته في مليونية "لا لل***"، "عايزين يعملوا مجلس رئاسي من رئيس المحكمة الدستورية اللّي عينه حسني مبارك
( رئيس المحكمة الدستورية عينه مبارك ... طيب وعايزنا نصدقك إزاي يادكتور ؟؟؟ ) وعضو مجلس عسكري، يعني عسكري تاني محدش بقى يتكسف، بيضحكوا على الناس، جربناكم بطياراتكم في 5 يونيو ضيعتوا القدس وسيناء والجولان وبيزعلوا عشان بنهتف إسلامية ونتحدث عن الإسلام، ولن نتكلم عن انتمائكم للشيوعية".
ده علي أساس أنكم مش مصريين ومعاكم ***ية تانية .. وملكوش دعوة بهزيمة يونية .. الهزيمة كانت للمصريين وزعيمهم جمال عبدالناصر .. فعلا لك حق .. لاأنتوا مننا ولا إحنا منكم .. بس إحنا يادكتور .. مصـــــــــــــــــــــــــــــريين ... ياتري إنتم إيــــــــــــــــــــــه
وأضاف: "بيقولوا عاوزين استفتاء على انتخابات رئاسية مبكرة، فما يحدث هو أعظم استفتاء حقيقي على أرض مصر، وأظن إن الموجود النهاردة هو أعظم استفتاء على أرض مصر، واللي عايز يصوره بالطائرات يصوره".

ودعا البلتاجي إلى عدم القفز على نتائج الديمقراطية، مشيرًا إلى رفضه لاختراع ديمقراطية جديدة، ووجّه البلتاجي حديثه إلى حمدين صباحي، مؤسس التيار الشعبي، قائلا: "حمدين قال إن معركتنا الأساسية مع الإخوان ولا تسألوا المشارك فلول ولا مع الثورة، لا يا أستاذ حمدين معركتنا الأساسية مع رجال النظام السابق الذين يسعون لهدم الوطن"، واختتم بقوله: "سنحمي الشرعية بأرواحنا ودمائنا، وسنحمي معارضينا ولن نسمح بقطرة دم واحدة، واحنا موجودين بالملايين، واللي هينزل بعد كده هنحميه، ومسؤوليتنا نحميه لكن القفز على الشرعية مرفوض".

وفي المقابل، كشف مصدر عسكري عن حالة استياء كبيرة بين صفوف القوات المسلحة من تصريحات "البلتاجي"، ووصفها بالتطاول على المؤسسة العسكرية، مؤكدا أن هذه التصريحات أدت إلى غضب ضباط وجنود الجيش.

وأضاف المصدر: "مثل هؤلاء الذين يدعون على الجيش لا يعرفون قدر وقيمة القوات المسلحة التي تحافظ على كرامة المواطن المصري فى كل وقت، والبلتاجى وإخوانه لا يعرفون معنى وطنية الجيش ودوره في حماية الوطن وصون مقدساته".
http://www.elwatannews.com/news/details/207073

[أ/محمد على عاشور]

القوات المسلحة تعلمنا فيها معانى سامية وهى اكبر من ان يذكرها نكرات كل علاقتهم بالوطن فقط منافع واخونة وخيبة

[ahmedzein2001]

دا علي اساس ان العسكر مستنيين تاني يوم زي ده علشان بشيلو الليله ويخيبوهه تاني؟ بلا وكسه السيسي نفسه قال ابعدو الجيش عن الصراع واحنه مصممين ندخله في الصراع تاني

[gmailwan]

طبعا الخبر من مصدر موثوق وهو الوطن يبقي لازم نصدق ان الجيش غضبان وزعلان وهيقوم الصبح يعمل انقلاب ومرسي خلاص في خبر كان
علي فكرة الاخبار من النوعية دي اصبحت موضة قديمة اووي يا ما اخذنا جرعات مناعة قبل كدة

فالحمد لله الصورة واضحة للعيان اللي عايز يشوف الصورة صح
السيسي اعلنها صريحة قبل كدة بدون لف ودوران اي مساس بالحكم مصر هتقلب نموذج افغاني او صومالي وهو دة المانع الوحيد اللي مخليه ساكت لانه خايف علي مصر من الفوضي اللي هو مش هيكسب حاجة خالص لو عمل انقلاب بل علي العكس قد يخسر منصبة الي الابد في ذلك حالة الفوضي فما الذي يجعلة يقدم علي خطوة هو ومن معة وهم في ارفع المناصب في الدولة ولحساب من البرادعي ولا عمرو ولا صباحي اللي ليس لهم شعبية واللي ولا مظاهرة واحدة من 24 مظاهرة ظهرت بنفس حجم مظاهرات الاسلاميين الحاشدة

ارحمو ا عقولكم من احلام اليقظة

[ابونرمين]

الأبواق اللى خايفة ع الجيش بتلعب وبتمييع الموضوع علشان تأثير مليونية اليوم يروح من نفوسهم المرعوبة،،ويستعدوا بقى ليوم 6/30

[حسام المصري]

لم يذكر حرفا واحدا عن الجيش وأنا سمعت الحوار بنفسي فهذا كذب

[المصري أشرف]

لمن كرمهم الله بنعمه العقل
الخبر لم يتم التعليق عليه سوي من جانب
قيام المبجل البلتاجي بذكر المنغصات التي
يحياها طول عمره .. وحاول إلصاقها بالجيش
أما من يعتقد .. أن الناس هاتترعب
وركبها تخبط علي الجيران .. من أحداث اليوم
يبقي قصور النظر والفكر إنتشر بصورة كبيرة
ولاتغتروا في بضع مئات الألوف فيهم الكهل
والمرأة والطفل .. فمصر أكبر والشعب ملايين
ولا أدعو الله أن يحدث ماتتمنونه
بمثل هذا الفكر وماسيقابله من فكر مضاد
الكل خسران .. وربنا يسترها علي الجميع

[ابونرمين]

الحمد لله أن فيها:
الكهل:يمثل العقل والإتزان والحنكة والفهم
المرأة:تمثل الأسرة والنبت والطلع والرؤية
الطفل:يمثل الأمل والمستقبل والبناء القادم
ووضحت معالم الأمور ..تتكلمون بلسان وفى الخلف تلبسون الأقنعة،وتتباكون على الثورة والثوار..فى حين الهدف (إعادة إنتاج النظام السابق الفاسد..هيهات وما تحلمون..وأقولها لن تراق دماء المصريين بسب خارجين عن القانون،نسوا أنفسهم وتمادوا فى التخريب)

[Mr. Ali 1]

حد ياخد علي كلام البلتاجي أو العريان ؟!!

كلما اقترب 30 يونيه ستسمعون من هذه العينة الكثير والكثير .

لا تعيروهم أدني اهتمام .

شكراً علي الخبر

[*تائبة فى رحاب الله*]

هذا كذب اسال حضرتك استاذ اشرف الرميسى
انت سمعت الخطآب
انا سمعت كلامه لم يذكر بتاتا سيرة الجيش ولما قال 5 يونيو كان قصده بها الناصريين والمتشدقين بالناصرية
وقالها انه قصده على حمدين
ولا انتم بتحوروا الكلام المهم على هواكم؟

[aymaan noor]

كلمة محمد البلتاجى فى مليونية لا للعـنف 21-6-2013



تم وضع الفيديو بواسطة الادارة

[الكينج3]

لولا الجيش يا بلتاجى
مكنتش هتنام ع سريريك و انت مطمن

[IHerOI]

في فرق يابو ايما بين
يسقط حكم العسكر وتسقط القوات المسلحة!
واللي ميفهمش الفرق يبقى لا مؤاخذة!

[المصري أشرف]

لكل من يفسر ردي علي هواه
إرجع لرأس الموضوع ( الخبر )

[المصري أشرف]

لا إله إلا أنت سبحانك إني كنت من الظالمين