ارجو منكم المساعدة

[يا الهي]

المشاركة الأصلية كتبت بواسطة عبد المقصود مصطفى

ارجوكم ساعدونى انا مو جيد اوى بالانجليزى وانا عايز اكون طبيب مثلكم بس خايف ان الانجليزى ينزلنى لقدر الله يا ريت تساعدونى
وممكن اعمل ايه بالاجازة لاحسن مستوايا

اولا السلام عليكم ورحمة الله وبركاته

ثانيا ربنا يوفقك وتدخل كلية طب بشري ان شاء الله ويكون لك فيها الخير ان شاء الله

هو الانجليزي ده اساس كليات القمة ومنها الطب

صحيح المصطلحات لاتينية بس لو انت مش كويس في الانجليزي مش هتفهم طالب منك ايه في ورقة الاسئلة لانها بتبقي بالانجليزي بصرف النظر عن المصطلحات

وطبعا هيبقي باذن الله عليك كيمياء وفيزياء واحياء وعربي وانجليزي وفرنساوي يعني برضه محتاجين اهتمام

من الافضل انك دالوقتي ابتداء من النهاردة كمان ... تركز جامد علي الانجليزي يعني تجيب جرامر كل السنين من كتب او من علي النت وبعد ما تخلص الجرامر ذاكر كلمات اولي وتانية وتالتة ثانوي كويس اوي
وتمرن نفسك علي الباراجراف والمواقف والاسبيكر و ... مواصفات الورقة الامتحانية


المهم باذن الله كل ده قبل ما تبتدي دروس ومدارس

لانك لما تبتدي دروس هتبتدي توزع انتباهك علي بقية المواد واحنا عايزين نثبت الانجليزي كويس اليومين دول

وما فيش مانع بانك تستعين بمدرس يعطيك لواحدك خلال شهر سبعة حتي لو هتاخد كل يوم وتخليه يبدالك من نقطة الصفر لو ظروفك المادية تسمح

وبالتوفيق ان شاء الله وتبقي تبشرنا انك دخلت طب بشري ان شاء الله

تقبل مروري

طبيبة ان شاء الله