للى عملوا تظلم ضروورى

[Eco esraa feps]

بتروح اى فرع من فروع بنك مصر او الاهلى بتعملى حواله 100 جنيه للمادة الواحدة
وبعدين تاخد الوصل وتروح بيه الادارة التعليميه اللى انتى تبعها وتقدم الوصل وتقولى على المادة اللى محتاجه تعمل فيها تظلم
وبعدين بتاخدى معاد علشان مراجعه ورقه الاجابه وتشوفى التصحيح ولو ليكى ملاحظات بتكتبيها
وبعدين بتعرف نتيجه التظلم بعد 15 يوم تقريبا

[To Be Is To Do]

التظلم :_ بتروح البنك تدفع 100 جنيه حتاخد وصل منه تروح المدرسه اللى بيتعمل فيها التظلم وتديهم الوصل وتملى استماره باسمك ورقم جلوسك والاداره وامدرسه والماده ويدوك معاد غالبا بعد اسبوعين .. اللى بيحصل بيصوروا ورقه الاجابه وتروح تشوفها ويدوك ورقه تكتب فيها ملاحظاتك وتطلب نموذج الاجابه الرسمى وتراجع ورقتك وتكتب انت مظلوم فايه ؟ وبعد الاسبويعن تروح تسأل يا زادت يا فضلت زى ما هى مش بتنقص حتى لو تستحق انك تنقص

4 حالات بتاخد فيهم درجات : المرايه انك تكون واخد مثلا فى السؤال فى الورقه 5 وفى المرايه كاتبلك مثلا 3 سهوا يعنى ،، تكون كاتب زى النموذج بالظبط وعاملك على السؤال غلط ،، غلط فى التجميع ،، سؤال مش متصحح او جزئيه من سؤال
غير الحالات دى تقريبا نادرا ما حد بياخد درجات

لو اخدت درجات بترجعلك ال 100 ج لو مخدتش درجات استعوض ربنا فيها

ممنوع تاخد مدرس معاك وانت بتتظلم الا اذا كان والدك او والدتك مدرسين لان اللى ينفع يدخل معاك التظلم اقارب درجه اولى فقط ( والد والده اخ اخت )