رجاء من معلمى الفصول الاولية

[السيدموسى]

بص حضرتك 1- ركز على سورة من القرآن الكريم اى سورة من السور الكبيرة ركز على أول 15 آية تحفظهم ماشى وتركز على الاعراب اللى فيهم والتجويد طيب تكتب فى جوجل اعراب القرآن الكريم للشيخ الشعراوى برنامج جميل جدا عارب كل سور القرآن الكريم
وتكتب فى جوجل تجويد القرآن الكريم هتلاقى فى مقاطع فيديو جميلة اوى
2- ركز على تحليل وتقطيع الكلمات الى حروف ومقاطع اكتب فى جوجل تحليل وتقطيع الكلمات هيجيبلك حاجات كويسة اقرأها
3- ركز على الهمزات وهمزة القطع والوصل واللام الشمسية والقمرية والاسماء الخمسة وان وكان واخواتهما
4- حضر درس من الدروس اى درس للصف الاول الابتدائى او الثانى او الثالث من خلال جوجل وكمان درس نحو من الصفوف الكبيرة رابع او خامس او سادس لان هيطلب منك تشرح درس ملحوظة لما تيجى تشرح درس اعمل له تهيئة الاول قبل ما تشرح برسم صورة تعبر...... الخ
5- التربوى زى استراتيجيات التعلم الحديث مثل العصف الذهنى معناه والتعلم التعاونى والهدف السلوكى تعريفه لو عيل تبول فى الفصل تعمل معاه ايه لو عيل طلب منك تربط له رباط الحذاء تعمل ايه تصنيف بلوم للأهداف اللى هى تذكر -فهم - تطبيق - تحليل - تركيب - تقويم ..... الخ من خلال جوجل ممكن تعرف كل حاجة عن التربوى والله الموفق والمستعان ونسألك الدعاء وشكرا