مـــجمــوعي 91.8 ممكن الحق حاسبات ,, ارجــو الدخوول ضروري

[mina_2012]

على فكرة كليات فنون جميلة وفنون تطبيقية بتعمل إمتحانات قدرات تاني في شهر 8 تقريباً كده بعد تنسيق المرحلة التانية والكلام ده حصل السنة اللي فاتت ومتأكده منه ... إنت تابع على النت كل شوية أو مع الكلية نفسها ... بس إنت حط كل الإحتمالات الممكنة وشوف الكلية اللي مجموعة يضمنها وفي نفس الوقت حابب مجالها ودراستها ويكون مستقبلها مضمون ... عندك مثلاً تجارة e ده لو بتحب الإنجلش ... ولو شديت حيلك فيها هاتضمن شغل محترم أوي بمرتب عالي من أول شهر ... وعندك تربية وده لو بتحب مجال التدريس وكده ... شوف إنت كلية تربية بتطلع كام مدرس في الدفعة الواحدة ( عدد كبير ) وكام واحد بيشتغل منهم ودروس وكده نسبة قليلة أوي بس علشان هما بيحبوا مجال التدريس إتفوقوا فيه ... المهم إطمن خالص إنت جايب مجموع حلو أوي وناس كتير كانت تحلم بيه وقدامك تقريباً كل الكليات ... مش معنى إن هندسة طارت يبقى خلاص ... قدامك كمان تجارة وحقوق وأداب ... كل الكليات دي حلوة بس أهم حاجة تكون حابب الدراسة فيها وضامن إنك هاتتفوق فيها ... بالنسبة لحاسبات ممكن تطولها بس إحتمالها ضعيف شوية ولو جات هاتبقى محافظات ... بس ماتبنيش عليها كل إحتمالاتك ... وربنا معاك يا باشا ...