حلم دخول محل عبايات سوداء
حلمت اني دخلت محل عبايات سوداء وكنت كل مختار عباية صاحبة المحل تقولي مافيش حاجة على مقاسك وبعدين مشيت وفضلت واقفة في المحل لوحدي ادور على عبايا ليا وكانت العبايات متعلقه بعيد عني وكنت انزلها بعصايا طويله وكنت كل منزل عبايا اقيسها بالشبر ولقيها مقاسي وقلت في نفسي ليه صحبت المحل بتقولي مافيش حاجة على مقاسك بس العبايات زي ماتكون ملبوسه قبل كده وقماشها من الونع الرديء وبعدين وانا بدور لقيت عبايا مقسها واسع وكبير لونها اسود ومطرزه بالاصفر والاحمر والازرق والبمبي كلها الوان وقلت هي دي اللى انا عوزها وفرحت لما لقتها وجبت عصايا طويله جدا علشان اعرف انزلها لانها كانت ابعد من العبايات التانيه ونزلتها وانا فرحنا وخلص الحلم على كده
انا انسه عندي 30 سنة اعمل مدرسة رياض اطفال الحالة النفسية سيئة لاني كنت مخطوبة وفسخت خطبتي من 4 اشهر
|