محطه صراحه (لكلا الجنسين)2

[kaloon]

فى البدايه برسلك تحياتى على الاسئله الجامده دى و بوعدك ان الاجابه هتكون بكل صراحه
بالنسبه لاول سؤال
فانا مش هعبره اصلا لانى اعتقد انه مكنش عارف حاجه من الاول والدليل على كده انه ياما طلع فى التليفزيون قبل الامتحانات وقال ان الامتحانات السنه دى سهله وحسس الواحد انه لو حتى مزاكرش هيقفل الماده فاعتزاره مش هيفيد بحاجه




والسؤال الثانى
فانا رايي من راي العضو mido لان فعلا قيمة الدرجه مش فى انى اجيبها وخلاص :لا دا قيمتها الحقيقيه فى انها هتفيدنى بايه يعنى الدرجه لو مش ليها لازمه يبقى خلاص مدفعش فيها ولا مليم هههه


والسؤال الثالث
بصراحه لو لقيت ربع جنيه على الرض فانا اكيد هتبرع بيه لاى فقير او لاى مسجد محتاج بس طبعا اكيد هضيف عليه علشان ربع جنيه دلوقتى قرب يتلغى من قاموس العملات



والسؤال الرابع
انا مش عندى اصحاب مسيحيين بس لو شايف انه فعلا بيسالنى عن دينى او هو اللى عاوز يعرف فاكيد هعرفه وافهمه لكن مش من اول حوار بينى وبينه ادعوه للاسلام لان هو ذات نفسه لو دعانى ابقى مسيحى بصراحه هخاف منه وابعد عنه
والهم انى قبل ما ادعوه للاسلام صراحة انى ابين له فى صداقتى جانب اسلامى يشده للاسلام ومش لازم يسلم على طول ممكن سنه سنتين واذا ما اسلمش ابقى على الاقل عملت اللى عليا معاه واحنا عندنا فى الاسلام مبدا لا اكراه فى الدين



فى النهايه موضوعك واسئلتك كويه جداا ومنتظر المزيد منك يا بيوب