معلومات حربية بالصور .. متجدد ..

[محمد محمود بدر]

بعض الناس بتسأل عن قدره صواريخ البحريه السورية وامكانيه استخدمها ضد الاسطول السادس والرد كالاتي :
اولا : لا اعتقد انه هيكون للبحريه السورية اي دور فعال في التصدي لهجمات الاسطول السادس

ثانيا: الاسطول السادس هيستخدم طرادات الصواريخ من عرض البحر وعلي مسافه بعيده من الساحل السوري قد تزيد عن 700 كلم من السواحل السوريه او اكثر ...وصواريخ "ياخونت" السوريه بمدي 300 كلم ....والتوماهوك بمدي لا يقل عن 1300 كلم ....يعني الاسطول السادس هينفذ ضربات صاروخيه بعيده المدي خارج مرمي نيران البحريه السورية تماما .

ثالثا : غير منطقي استخدام صواريخ مضاده للسفن ضد الاسطول السادس وعلي وجه الخصوص ضد حاملات الطيارات ...حاملات الطيارات تقدر تتحمل الصدمات الانفجاريه التقليدية لان أسطح الحاملات بيكون في الغالب "مدرع" ...."ده في حاله لو تم اصابه الحاملات بصاروخ وده مستحيل"

رابعا: حاملات الطيارات بيكون معاها اسطول مرافق يتضمن عدد فرقاطات ومدمرات وغواصات نووية...المدمرات والحاملات والفرقاطات محملين بأحدث النظم الدفاعيه من مدافع "فلانكس" المضادة للصواريخ وصواريخ دفاع جوي ...مثلا الحامله نيمتز موجود عليها 4 مدافع "فلانكس" مضاد للصواريخ والمدفع الواحد بمعدل اطلاق 4500 طلقه في الدقيقه ومزود بكاميرات كهروبصريه بتعمل علي الرصد الحراري للصاروخ واطلاق الاعيرة في اتجاه رصد الصاروخ ....بجانب صواريخ RIM دفاع جوي .

ده بغض النظر عن تفاصيل باقي دفاعات الاسطول المرافق والي يعتبر اقوي

خماسا: فكره اعتراض الاسطول السادس في عرض البحر تعتبر انتحار بكل معاني الكلمه .

سادسا : الحل الوحيد هو اعتراض الضربات الصاروخيه والجويه