|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
16-09-2013, 01:04 AM
|
|||
|
|||
اقتباس:
انا عن نفسي كنت بحفظها و مختلفة تمااامااا مع الدكتورة ف حوار انكو تقرو المعانى بس ده .. لو دخلتو على المنتدى القديم بتاعنا ده اللى هو الموضوع اللى كنا احنا متجمعين فيه و شفتو الاسئلة اللى كانت عليه ليلة امتحان العربي هتلاقو 90% منها ان مكنش كلها على المعانى .. كلها يا مضاد يا جمع يا مفرد .. و انا ف تانية ثانوى لما عملت تظلم لقيته منقصنى درجتين ف الورقة على معانى النص الاجبارى لمجرد انى مكنت كاتباهم زى ما هم ف النموذج .. و للامانه اجابات النموذج كانت موجوده ف الكتب الخارجية و انا كنت حافظاها بس مكنتش براجع ع المعانى ف تانية عشان كدة نقصت .. المعانى كفيلة انها تديكو درجات من الهو لو اتحفظت و اكدتو عليها و ما اهملتوهاش .. و كفيلة برضه انها بعد الشر تطير منكو درجات دوووون ادنى داعى رأيي الخاص و نصيحتى ليكو قدام ربنا .. احفظوووووووها .. متعبة و مقرفة و مملة .. انا عارفة و الله .. بس لو ماتعبتوش ف المذاكرة هتتعبو ف ايه يعنى ... العربي مش بالبساطة اللى ناس كتير متخيلاها و لا عااااادى كدة بيتلم ف اخر شهرين .. الناس اللى لمته اخر شهرين دول كانو قايمين نايمين ف الشهرين دول ع العربي انا مش عايزاكو تعملو كدة عشان انتو موادكو كتير و محتاجين كل دقيقة ف كل مادة .. ادوله حقه دلوقتى ف المذاكرة و التعب عشان مايخدش هو حقه منكو تالت و متلت ف المراجعه  ربنا يقويكو 
|
|
#2
16-09-2013, 03:11 PM
|
|||
|
|||
|
اقتباس:
ماهو أصل أنا قريتها و جيت بحل لقيت مضاد و جمع و معانى حاجات غريبه أوى، ديه أكبر مشكله عندى لغاية دلوقتى
|
|
#3
16-09-2013, 03:32 PM
|
|||
|
|||
|
اقتباس:
المشكلة دى هتتغلب عليها بكتر الحل .. خلى دايما المعجم جنبك و عود نفسك تكشف على طول فيه .. ساعات مش هتلاقى اللى بتدور عليه و ساعات هتلاقيه .. لو ماالقتهوش اسال مدرسك بقى .. لكن انا بتكلم ف انك تكون عملت اللى عليك .. يعنى مثلا احنا السنة اللى فاتت لما جالنا نص الصغيران جمع كلمة وحى .. الناس قامت و قعدت و لا و مش عارف ايه .. و اول مرة نشوفها و الجو دة ف الوقت اللى هى كانت موجودة ف كل الكتب الخارجية و الواحد بفضل ربنا كان اتعرضلها بدل المرة 100 .. مش ف سنة تالتة بس دة على مدار سنين التعليم كلهاااا ربنا معاكو 
|
|
#4
16-09-2013, 09:57 PM
|
||||
|
||||
|
اقتباس:
انا كنت عايز اسالك الامتحان الصعب بيكون شكله ايه اصلى مقتنع انك على قد ما هتذاكر على قد ما هتلاقى الامتحان سهل وبالرغم من كده بلاقى ناس متفوقه و بتقول على امتحانات معينة صعبه
|
|
#5
17-09-2013, 12:43 AM
|
|||
|
|||
|
اقتباس:
..حاجة الاجة يعنى .. شغل فنادق .. ربنا يوعدكو قرييياااا ان شاء الله بص الامتحان الصعب ده شكله ازاى .. انا مثلا ف امتحان زى الاحياء اللى الناس اشتكت من طوله .. او العربي او كدة ... او طبعاا بعبع الثانوية العامة اللى هو الفيزيا .. انت بتبقى قاعد ف اللجنه ف حالة عصف ذهنى بتسترجع كل المعلوماات اللى انت عمال تحشر فيها من اول السنة .. بمجرد ما يواجهك سؤال تستصعب استرجاع معلوماتك عنه بتقول السؤال ده صعب .. لان معلوماته مش حاضرة ف ذهنك .. طب ليه معلوماته بقى مش حاضرة ف ذهنك .. ممكن يكون عيب مذاكرة .. او عيب مراجعه .. او يكون السؤال مصاغ بطريقة مختلفة تخليك محتار هو بيتكلم عن انى جزئية بالظبط ف المنهج مثلا .. ف بالتالى مابتبقاش عارف تحاول تركز على انى جزء من المنهج بالظبط عشان تسترجع معلوماته .. هى دى الاسئلة اللى بتبقى صعبه .. وهى دى الامتحانات اللى بتبقى صعبة .. هى الامتحانات اللى طريقة صياغه الاسئلة فيها مختلفة عن المعتاد او اللى انتو متعودين عليه يعنى .. ف بيبقى فى صعوبة ف استرجاع المعلومة .. و كل ما عدد الاسئلة الغريبة دى زاد ف الامتحان كل ما كان الامتحان دة تصنيفه انه امتحان صعب و الشكاوى زايده منه و كدة .. عايزة اقلك على حاجة .. فى ناس متفوقين اه .. بس معتمدين جدااا ع الحفظ مثلا .. دول بيطلعو يشتكو من الامتحان اللى الاسئلة المختلفة اللى بقولك عليها دى لو جات فيه على اجزاء من الفهم الكويس .. فى كمان طلبة مابيروحوش لمدرس كويس يشغلهم منكتاب المدرسة .. ف يذاكر و يموت نفسه مذاكرة بس من الملخصات و الملازم و كدة .. دول بيطلعو يشتكو من الاسئلة اللى بين السطور .. انا شخصيا كنت طالعه من امتحان الانجلش ف تانية ثانوى بعيط و منهارة و فضلت يومين بعدها عمااااالة اعيط بانهيار .. و مع ذلك جبت 25 فيه الحمد لله .. ف برضه ماتاخدش اوى على رأى الطالب اللى لسه خارج من اللجنة طازة .. انا طولت عليك معلش .. بس انتو عارفين بقى ان انا رغاية
|
|
#6
17-09-2013, 01:44 PM
|
||||
|
||||
|
اقتباس:
جبتى 25 و عيطى !!! تباً ههههههههه عيطى ليييه !
|
|
#7
17-09-2013, 05:39 PM
|
|||
|
|||
|
اقتباس:
ههههههههه .. لا انا بقولك كنت خارجة من الامتحان معيطة و منهارة عشان كنت حاسة انى مش هجيب 25 .. لكن بعد كدة ف النتيجة لقيتنى جايبة ال 25 الحمد لله .. ف عشان كدة بقولك ناتاخدش اوى على الانطباع الاولانى اللى بيطلع من الطالب اول ما يخرج من الامتحان .. انتو كمان هتمرو بالكلام ده ان شاء الله .. هتلاقو نفسكو ليكو راي ف الامتحان اول ما تخرجو من اللجنة و راي تانى خااااااالص بعد النتيجة ربنا يوفقكو
|
|
#8
16-09-2013, 09:39 PM
|
||||
|
||||
|
اقتباس:
وبعدين انتو لسة فى اول السنة ومع كثرة الحل مع المدرس هيبقا عندكو خبرة حتى لو مش عارفة الاجابة وخمنتيها هتلاقيها صح الخبرة بقا بتيجي بس اودام شوية انتو داخلين حاميين اوى بلاش الحماس اللى فى البداية ده لأنكو هتيجلكو فترة وتكرهو فيها ام الكتب ومش هطيقو تقعدو عالكتاب نص ساعة واه لو الفترة دى فى اخر شهرين  ربنا يستر بقا بس اهدو كده شوية  السنة طويييييييلة والله ياولاد اخر شهرين هتجمعوا فيهم كل حاجة فى المراجعة ان شاء الله يعنى متخافوش
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
|
#9
16-09-2013, 09:54 PM
|
|||
|
|||
|
يا شباب دلوقتى انا سألت دنيا عن موضوع الجيولوجيا و انكو عايزين تبدأوها ف شهر 12 ..
قالتلى ان الافضل انكو تبدأوها ف الاول مع باقى المواد كدة .. لان بالطريقة دى هتخلصوها بدرى و يمكن تخلصوها هى اول مادة .. و دة هيديكو فرصة و وقت كبيير للحل عليها .. لان الجيولوجيا محتاجة حل كتيييير .. هى بتقول انهم بدأوها ف اواخر شهر 8 و خلصو المنهج كله قبل اجازة نص السنة بالظبط .. و الترم التانى بدأوا مراجعات .. و خلصو مراجعه المنهج قبل الامتحانات بشهر و نص و قعدو ف البيت و مكنوش بيروحو الدرس عشان المستر بتاعهم قالهم انه عايز يهتم ببتوع الاحياء ( مدرس الاحياء هو هو مدرس الجيولوجيا ) .. و بتقول ان الشهر و نص اللى قعدتهم دول هم اللى نجدوها لانها مكنتش عارفة تذاكر كويس و تلم الدنيا ايام المذاكرة و ايام المراجعه هى بتنبه على نقطة الحل الكتير دى لان الجيولوجيا مش بتثبت الا بكتر الحل و التكرار الكتير .. لكن لو بدأتوها متأخر يمكن تكروتوها ف المذاكرة او ماتذاكروهاش بضمير يعنى لانكو هتبقو قلقانين .. بتقول ان الجيولوجيا محتاجة من 5 ل 7 حصص .. و علوم البيئة محتاج حوالى 4 حصص ربنا يوفقكو و يا رب يكون كلامها فادكو .. اى حاجة تانى قولولى و انا ابلغكو
|
|
#10
17-09-2013, 12:46 AM
|
|||
|
|||
|
اقتباس:
نظرية ان شاء الله هطبقها مادام اهل الخبرة قالوا كده ومليون شكر على متابعتك الحية للاحداث
__________________
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 05:40 AM.
