ملتقى طلاب الصف الثالث الثانوى (علمى علوم) 2014

[lally adel]

المشاركة الأصلية كتبت بواسطة أمير البلاغة

اولا الف شكر لكم جميعا على هذه النصائح الغالية وخصوصا الدكتور علياء و الدكتورة ميادة و الله الواحد مش عارف يشكركم ازاى و خصوصا د علياء على مجهودها الجبااااار ده و حبها انها تساعد غيرها فجزاكى الله كل خير ................
انا يا دكتورة علياء عندى مشكلة كده اللى هى ان انا مدرس الفيزياء بتاعى محتار منه ساعات بحس انه كويس و ساعات له وكل ما اسأل حد من الدفعات السابقة يقولولى وحش فأنا استغرب و اقولهم ازاى يا جدعان و انتو جايبين 50 فى الفيزياء يقولولى ان الغالبية كانت بتاخد درسين فى نفس المادة بس انا بصراحة مش مقتنع تماما بفكرة الدرسين دول فأنتى رأيك ايه ؟؟؟

لا فكرة الدرسين دى صعبة اوووى .. انتو اصلا عندكو 7 مواد تقوم تاخد ف ماده واحدة درسين !!!! .. لا طبعاااا استحالة
بص بقى ... اولا حاول تحسم امرك بسرعه عشان ماتوصلش لمرحلة ماتبقاش عارف تروح لحد تانى و تضطر تكمل معاه ..
اسال نفسك كام سؤال كدة و حدد على اساسهم انت مرتاح مع المدرس ده و هو كويس و لا لا ..
اولا .. انت بتفهم منه و بتستوعب و لا لا ؟؟ .. و دة هيترتب عليه سؤال تانى اللى هو .. بعد ما بروح و بذاكر و اظبط الدنيا و ابدا احل .. ببقى فاهم انا بحل ازاى و لا بعمل اى تجربة كدة و اللى يطلع صح منهم هو اللى تمشي بيه ؟؟
ثانيا .. المدرس ده شغله من كتاب المدرسة و لا لا ؟؟ يعنى بيشرح نفس الكلام الموجود ف كتاب المدرسة و لا بيشرح باسلوب مختلف ؟؟ بيلزمكو بكلام ملزمته و لا بكلام كتاب المدرسة ؟؟
ثالثا .. المدررس ده بيتابعك و فوق دماغك اول باول و لا بيصهين و يسيب اللى يذاكر يذاكر و اللى مايذاكرش يولع ؟؟

بناء على اجابتك للاسئلة دى هتحدد اذا كان المدرس و لا لا .. طبعا انت عارف ايه اجابات الاسئلة دى و ايه اللى هيحدد اذا كان مدرسك دة كويس و لا لا ..
و بناء على كدة خد قرار بسررررعه .. و نفذه على طول

ربنا يوفقك