ملتقى طلاب الصف الثالث الثانوى (علمى علوم) 2014

[هتـــلر]

المشاركة الأصلية كتبت بواسطة lally adel

ما هو انت مش اى مدرس فيزيا هتسمع عنه هتروحله ..
انت بتحاول تنقى المدرس اللى ناس كتير بتشكر فيه .. غير كدة مش لازم تسيب مدرسك مرة واحدة .. انت ممكن تبقى بتجرب المدرسين التانيين ف الوقت الى انت شغال فيه مع مدرسك عادى ..
الحاجة التانية بقى .. انت كنت قلت ف مشاركة قبل دى انك بتحل ع الفصل التاسع .. بص هقولك على حاجة بجد و عن تجربة .. الفصل التاسع ده هتفضل لحد و انت داخل الامتحان الصبح مش عارف افكاره ايه .. الفكرة فيه انه ممكن يرصلك اى شكل من المقاومات باى عدد باى نظام .. و كل شكل او نظام هيبقاله طريقة حل .. ماتنتظرش انك تعرف تحل الاربعين مسألة من اول مرة .. خاااااااااالص .. انت هتحلهم اول مرة على 4 ايام مثلا و تجرب المسألة الواحدة بتاع 5 مرات على ما تعرف حلها .. و وساعات مش هتعرف .. و كتييييير هتفتح الاجابات .. كل ده و الله العظيم عااااااادى جدااااا .. المرة التانية اللى هتحاول تحل فيهم نفس الاربعين مسألة دول هتلاقى الموضوع بقى اسهل شوية .. مش بنبسة 100% .. بس هيبقى بنسبة مثلا 70% .. المرة التالتة هيبقى 90% .. و هكذا ...
انا مش بقفلك من الفصل و الله.. بس انا بحاول اطمنك عشان لما تواجه المشاكل دى ماتتهمش نفسك بالتقصير و لا تتهم مدرسك بعيب ف الشرح ..
لو دورت فى موضوعاتى هتلاقى موضوع بعنوان " فيزيا تالتة ثانوى تعالو بسرعه " حاجة زى كدة يعنى .. كان على الموضوع ده .. و كان ولد من هنا من المنتدى الله يكرمه اسمه amothman123 كان بيساعدنى جداااااااا .. مش ناسياهاله لحد دلوقتى .. ربنا يجعلها ف ميزان حسناته

ربنا معاكو

منوره ديماً يا دكتوره و ربنا ما يحرمنا من نصايحك واهتمامك
بالنسبة لموضوع التعبير و البراجراف نتعامل معاهم ازاى و ايه الغلطات اللى ممكن نقع فيها
ومعلشى كتاب مندليف بتاع الكيميا فيه اجابات و لا زى الوسام اسئلة بس.
اصلى بكره الكتب اللى مفهاش اجابات و اتضايقت لما اشتريت الوسام ده

[lally adel]

المشاركة الأصلية كتبت بواسطة هتـــلر

منوره ديماً يا دكتوره و ربنا ما يحرمنا من نصايحك واهتمامك
بالنسبة لموضوع التعبير و البراجراف نتعامل معاهم ازاى و ايه الغلطات اللى ممكن نقع فيها
ومعلشى كتاب مندليف بتاع الكيميا فيه اجابات و لا زى الوسام اسئلة بس.
اصلى بكره الكتب اللى مفهاش اجابات و اتضايقت لما اشتريت الوسام ده

دة نوركو يا شباب .. ربنا معاكو يا رب ان شاء الله
بص يا سيدى بالنسبة للتعبير ف ماتتعبش نفسك فيه دلوقتى .. بس بشرط .. انك لما تبدا تحل امتحانات ف فترة المراجعه تحل الامتحان بالتعبير بتاعه الوظيفى و الابداعى دة و لا مش فاكرة اسمه ايه .. كدة هتلمه ان شاء الله ..
بالنسبة للبراجراف بقى ف دة ابدا فيه من دلوقتى احسن .. عشان لو عندك اى عيوب او اخطاء يبقى معاك وقت تعالجها و تحسنها و كمان عشان تطبق الكلمات اللى بتحفظها من برة المنهج .. لما تحفظ كلمات و توظفها ف حاجة هتثبت ف دماغك على المدى البعيد ..
مندليف كان فى اجاباتبس مش لكل الاسئلة .. و على فكرة كان فى اجابات ساعات بتبقى غلط .. بسالازمة دى هتلاقيها ف معظم الكتب الخارجية ..