الهدف من تدمير الثانوية لهذا العام

[dr.saeed]

المشاركة الأصلية كتبت بواسطة bo$y

بسم الله الرحمن الرحيم
الهدف واضح و صريح
أولاً : تقليل عدد طلبة علمي , و كده كل البلد مافيهاش علماء و كلها صحفيين و أدباء و شعراء

والعلماء اصلا الى فى مصر بيقعدوا فيها؟
وفين اصلا الى بيطلع من الجامعة دة وهو فاهم اصلا هو درس ايه؟
حد فاكر مناهج السنة الى فاتت اصلا؟

ثانياً : عايزين يشغلوا الجامعات الخاصه , و الناس تشحت , طب ما كفايه الدروس الخصوصيه ... !!
الجامعات الخاصة موجودة بدون اى شىءو
بعدين انا كان معايا في اللجنه ناس غشاشين , و كان ناقص بس يبدلوا ورق الإجابه , و تلاقيهم بيقولوا على أصعب امتحان .. سهل اوي , مهو مش بمجهودهم طبعاً ..
و مش رضيت أبلغ عنهم منعاً للمشاكل , و كانوا عايزني أغششهم بحكم إني متفوقه عنهم , بس طبعاً مش رضيت لإن مجهودي اللي صحتي راحت فيه ده , مش راح اديه لحد تاني , و كمان ربنا هيغضب عليا , فالحكايه مش ناقصه بقى
و الغشاشين دول هما اللي هياخدوا الأماكن بتاعتنا في كليات الطب و الهندسه و هيطلعوا مش فاهمين حاجه في مجالهم , ما كله بالغش بقى ..
و إحنا نترمي في تجاره و إعلام و كليات فاضيه كده .. مش ليها شغل
بس والله الواحد مش عارف رزقه فين بقى , دي حاجه بإيد ربنا يعني ..
و على العموم انا راضيه باللي أجيبه السنه دي حتى لو 60% .. المهم بمجهودي و إني مش غشيت الحمد لله
و حسبي الله و نعم الوكيل

فى امان الله

[bosy .. mostafa]

بسم الله الرحمن الرحيم

دكتور سعيد
هما مش بيقعدوا في مصر , لعدم وجود إمكانيات اصلاً
و زويل إستقال , و الباز إستقال , و عالم معاهم كمان كده مش فاكره إسمه إستقال بس هو لسه شاب عنده حوالي 32 سنه

و إستقالوا لإن اللايحه في الجامعه مش سامحه لهم إنهم يدرسوا بره أكتر من تلات سنين .. و طبعاً ده مش نافع
فسابوا مصر , و كمان العالم الأخير ده أضاف و قال إنه مش فيه إمكانيات مساعداه على دراسته , فطبعاً لازم يسيب البلد و يهج
و شكراً ليك