معلومات حربية بالصور .. متجدد ..

[محمد محمود بدر]

بما ان 14 اكتوبر ذكرى حدوث ثغره الدفرسوار بين الجيش الثالث في السويس والجيش الثاني في الإسماعيلية البوست ده هيكون عن الطياره اللى اكتشفت الثغره وهى SR-71 Blackbird وهى طائره تجسس واستطلاع امريكيه تم انتاجها ف الستينات من القرن الماضى تعد اسرع طائرات العالم اذ قاربت سرعتها ال 3.5 ماخ ! ولذلك تم تجهيز الطيارين ببدلات معينه لمقاومه الضغط و تجهيزات خاصه نظرا للسرعه العاليه بالاضافه الى التحليق على ارتفاعات شاهقه تصل الى 85 ألف قدم !! تم بناء 32 قطعه فقط ب 3 نسخ مختلفه A+B+C و تقاعدت عام 1998 كانت تستخدم محركين برايت آند ويتنى طراز J58 بلغ طولها حوالى 32.7 م وارتفاعها 5.64 م

- فكره تصميم الطائره على اساس انها ما تتكشفى ع الردارات وبالرغم من ذلك اتكشفت العديد من المرات من قبل ردارات الاتحاد السوفيتى و الصين وايضا مصر فى حرب اكتوبر .... وكان اول اكتشاف ليها ف مصر اثناء الحرب بالتحديد زى النهارده من 40 سنه فقد قامت الردارات برصدها فى تمام الواحده ظهرا اثناء عمليه استطلاع للقناه والدلتا وبعض اجزاء الصعيد ولكن نظرا لسرعتها العاليه والتحليق خارج نطاق الدفاع الجوى لم يتمكن الدفاع الجوى من اصابتها ،،

-طبعا الطياره بدون تسليح وتحمل فقط أجهزة استطلاع للرصد المباشر في ساحة المعركة

- خلال سنوات خدمتها 12 طياره عملوا حوادث وطيار واحد بس اللى مات الغريب ان 11 حادثه حصلوا بس مابين عامى 66 و 72 !

- ناس كتير هتسأل عن سبب خروجها من الخدمه وهل هناك بديل ليها او لأ ؟ وهتكون الاجابه كالآتى سبب الخروج ارتفاع تكلفة صيانتها فمثلا تشغيل 3 طائرات منها إلى 100 مليون دولار و الامريكان اهتموا بتطوير قاذفات البى _52 ف الوقت ده بالاضافه الى وجود اقمار التجسس اللى بتلعب د الطائره .... واخيرا لو فى بديل ليها ف الخدمه هيكون طائره U_2 وطبعا الطائرتين ممنوع تصديرهم