عاوزة أستشيركم في حاجة يا جماعة

[dr.saeed]

الدكتور القرضاوى مقنع عقلياً

انا ليا بالادلة
وانا شفت موضوع الدكتور قرضاوى حضرتك

كمان ممكن حد يقولى حاجة واحدة بس ...ليه دايما بتقارنوا الغناء بالقرآن ؟ ...انا نفسى افهم ايه اللى جاب كلام عن الحب او عن الوطن او عن السياسة لكلام ربنا وتشريعاته واحكامه ؟ ...ليه بنقارن اصلا مش فاهم ...عمرك سمعت حد قال ان الاغانى احسن ولا افضل ؟

طلما عارفين انه افضل
نسمعه احسن ونفهمه
مش نسمع اغانى وعمرنا ما نعرف حتى معنى كلمة (الله الصمد)

فى امان الله

[شموخ مسلمة]

يا جماعة من فضلكم لو سمحتم انتو مش بتتناقشو فى مناقشة او موضوع تختلفو فيه
ده دين يا جماعة من فضلكم كفاية اوى كده

بصى يا بنوتة احنا قلنالك الادلة و انتى كده عرفتى و ربنا هو اللى هيحاسبنا خلاص

بس بصى هقولك عليكى يا حبيبة قلبى انتى لو فى ثانوية وفى مادة معينة ولتكن الفيزيا
لو انا جيت قلتلك المعلومة دى مش عليكى و حد تانى قاللك عليكى مع انها صعبة
بس و الله هتذاكريها وفى اللحظة دى هتقولى ده مستقبلى و ماجتش ع المعلومة دى

بصى يا حبيبتى الجنة عشان ندخلها _جمعنى الله بكى فى الفردوس الاعلى _لازم تجاهدى نفسك

و يا جماعة بكرر تانى ده دين مش مناقشة يعنى اصلا الموضوع مش احنا اللى نتكلم فيه المفروض شيخ لاننا كده كل واحد فينا هيجيب دليل انها حرام او انها مش حرام و طبعا فى ادلة بتبقى احاديث بتبقى ضعيفة واحنا مش دارسين الكلام ده عشان نفتى

ربنا يرزقنا الفردوس الاعلى

اه صح قبل ماانسى ع فكرة الدين مش بنحكم فيه العقل

فى امان الله

[3olomgy]

المشاركة الأصلية كتبت بواسطة dr.saeed

انا ليا بالادلة
وانا شفت موضوع الدكتور قرضاوى حضرتك


طلما عارفين انه افضل
نسمعه احسن ونفهمه
مش نسمع اغانى وعمرنا ما نعرف حتى معنى كلمة (الله الصمد)

فى امان الله

حضرتك موضوع الدكتور القرضاوى فيه ادلة برده ..عالم دين جليل هو واكيد فاهم الادلة اللى حضرتك مقتنع بيها افضل بحكم التخصص والدراسة مع الاحترام لحضرتك بالطبع
مثلا ازاى شىء ايا كان يكون حرام فى جميع الاوقات وحلال فى العيد ؟ ..هل الحرام والحلال له مواسم ؟
واكيد طبعا الافضل ان احنا نسمع القرآن ونفهمه ونتدبره ولو عملنا حتى بربعه هنكون افضل بكتير بس برده انا شايف ان ده مالوش علاقة ...بالظبط كأنى بقول لحضرتك السباحة رياضة ممتعة وترد عليا تقولى بس الصلاة احسن وافضل !!! وبالتالى بلاش نلعب سباحة لانها هتلهينا عن الصلاة !!!!!!!!
لازم طرفى المقارنة يكونوا متكافئين معناً وشكلاً ومضموناً

مع احترامى للجميع الموضوع فيه خلاف ولو مفيهوش خلاف ماكناش لسه بنسأل السؤال ده لحد دلوقتى.
عمرنا سمعنا انه حصل خلاف فى تحريم الخمر ؟ حصل خلاف فى فرضية الحجاب ؟
دمتم بود وجزاك الله خيرا يا دكتور سعيد